Fuercia de Defensa Australiana

La Fuercia de Defensa Australiana (n'inglés Australian Defence Force o ADF) ye la organización militar responsable de la defensa d'Australia. Ta compuesta pola Real Armada d'Australia, l'Exércitu de Tierra d'Australia y la Real Fuercia Aérea d'Australia y una serie d'unidaes de los trés cuerpos.

Mientres les primeres décades del sieglu XX, el gobiernu d'Australia estableció los 3 cuerpos armaos separaos. Cada cuerpu tenía una cadena de mandu independiente. En 1976 el gobiernu llevó a cabu unos cambeos estratéxicos y estableció que les Fuercies Armaes teníen de tar toes so un poder único. Col tiempu'l nivel d'integración creció y los servicios enfocaos a los trés cuerpos en materia de mandu, loxística ya instituciones d'entrenamientu fueron sustituyendo a aquéllos que taben enfocaos a namái unu de los cuerpos.

Les Fuercies Armaes d'Australia tán tecnológicamente desenvueltes anque son pequeñes. A pesar de que los sos 51 000 militares activos a tiempu completu y los 19 400 reservistas facer la fuercia militar más grande d'Oceanía, ye muncho más pequeña que les fuercies militares asiátiques y tien escasez de personal cualificáu en delles categoríes. Sicasí, les Fuercies Armaes d'Australia son capaces d'esplegar tropes en diversos puntos fora d'Australia.