Fuzzy Knight

Nacíu en Fairmont (Virginia Occidental), yera'l tercer fíu de James A. y Olive Knight,^[2] y educóse na Universidá de Virginia Occidental^[3] onde foi animador y estudiante de derechu. Escribió un cantar animador, "Fight Mountaineers," la cual ye inda utilizada con frecuencia pela Banda Mountaineer Marching 90 años dempués. Amás, compunxo la melodía pa un cantar de la Universidá de Virginia Occidental titulada "To Thee Our Alma Mater," con lletres del so compañeru de estudio David A. Christopher.

Nel college formó una banda propia y tocaba la percusión,^[4] hasta que decidió dexar los estudios pa dedicase a actuar n'espectáculos de vodevil y en big bands como les d'Irving Aaronson y George Olsen.^[5] Finalmente, les sos dotes pa la música y la comedia lleváronlu a Nueva York, onde actuó nel Earl Carroll's Vanities de 1927 y nel circuitu de Broadway coles obres Here's Howe y Ned Wayburn's Gambols.^[6] Nos cartelos apaecía col so llamatu, Fuzzy, que se-y diera por causa del so peculiar nidia voz.^[7]

Mientres faía xires con bandes, Knight llegó a Hollywood y actuó en dellos curtios musicales para MGM y Paramount Pictures ente 1929 y 1932.^[8] Mae West dio-y el so primer papel destacáu en She Done Him Wrong, al cual siguieron actuaciones n'ensame de películes a lo llargo de los siguientes trenta años. Na década de 1940 trabayaba principalmente nel xéneru western, y en 1940 foi votáu como una de les 10 estrelles más taquilleres del western.^[9]

Knight fíxose famosu ente les xeneraciones más nueves cuando coprotagonizó con Buster Crabbe la serie televisiva de 1955 Captain Gallant of the Foreign Legion.^[10] Más palantre, y yá parcialmente retiráu, Knight continuu actuando dacuando nel cine y na televisión.

Fuzzy Knight finó en 1976, mientres dormía, nel Motion Picture Country House and Hospital de Woodland Hills (Los Angeles). Sobrevivió-y el so esposa, l'actriz Patricia Ryan (Thelma de Long yera'l so nome real).^[11][12] Foi soterráu nel Campusantu Valhalla Memorial Park de Burbank, California. La so tumba ta alcontrada nes proximidaes de la de Maxie Rosenbloom, actor col cual coincidió a lo llargo de la so carrera, y que finó dos selmanes dempués que Knight.^[13]

• Esta obra remanez de la traducción de Fuzzy Knight de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Fuzzy Knight na Internet Movie Database (n'inglés)
• «Fuzzy Knight». en Find a Grave. (n'inglés)