Gran Londres
El Gran Londres (Greater London n'inglés) ye una subdivisión alministrativa d'altu nivel que cubre la ciudá de Londres, n'Inglaterra (Reinu Xuníu).[1][2] Ye una de les nueve rexones d'Inglaterra y tien el rangu de condáu ceremonial.
| Gran Londres | |||||
|---|---|---|---|---|---|
 | |||||
| |||||
| Alministración | |||||
| País |  Reinu Xuníu | ||||
| Nación constitutiva |  Inglaterra | ||||
| Rexón | [[d:Special:EntityPage/Q23939248|{{{2}}} | ||||
| Tipu d'entidá | condáu ceremonial d'Inglaterra | ||||
Lord Teniente del Gran Londres (es)  | Ken Olisa | ||||
| Nome oficial | Greater London (en) | ||||
| Nome llocal | Greater London (en) | ||||
| División | ver
| ||||
| Xeografía | |||||
| Coordenaes | 51°30′N 0°06′W / 51.5°N 0.1°O | ||||
 | |||||
| Superficie | 1569.2366 km² | ||||
| Llenda con | Hertfordshire, Berkshire, Essex, Kent, Surrey, Buckinghamshire y City of London | ||||
| Demografía | |||||
| Población | 8 899 375 hab. (2018) | ||||
| Densidá | 5671,15 hab/km² | ||||
| Más información | |||||
| Estaya horaria | UTC±00:00 y Tiempu mediu de Greenwich | ||||
| Fundación | 1r abril 1965 | ||||
| greaterlondonlieutenancy.com | |||||
 | |||||
La zona alministrativa del Gran Londres ta compuesta por 32 conceyos londinenses, incluyendo Westminster, pero escluyendo la City,[3] conocíos genéricamente como Londres, la capital del Reinu Xuníu. Cubre una área de 1579 km² y tien una población averada de 8.100.000 persones. Dende 1965 ta estremáu en dos zones, Londres interior (Inner London), compuesta por dolce conceyos, y Londres esterior (Outer London), compuesta por venti conceyos.
Dende l'añu 2000, la rexón ta alministrada pola Autoridá del Gran Londres y tien un alcalde de Londres, controláu pola Asamblea de Londres.
L'estatus del Gran Londres ye daqué inusual. Oficialmente ta clasificáu como un condáu ceremonial (escluyendo a Ciudá de Londres, que ye un condáu ceremonial por sigo mesmu), pero al empar ye una de les nueve rexones oficiales d'Inglaterra. Ye la única rexón d'Inglaterra con un ampliu poder, una asamblea rexonal electa y un altu cargu escoyíu tamién por eleición direuta.
Nun tien de confundir se col área metropolitana de Londres, definida en términos de modelos xeográficos (fundamentalmente de tresporte, como London commuter belt).
Historia
El Gran Londres creóse oficialmente'l 1 d'abril de 1965, en sustitución de los antiguos condaos alministrativos de Middlesex y Londres, a los que s'añedir partes de Kent, Hertfordshire, Surrey y Essex. Anguaño, el Gran Londres llenda con Essex, Hertfordshire, Buckinghamshire, Berkshire, Surrey y Kent.
El Gran Londres tuvo n'orixe un doble sistema de gobiernu llocal, col Conseyu de Gran Londres compartiendo poder cola Corporación de Londres y los 32 conseyos de distritu. El Conseyu de Gran Londres foi abolíu nel añu 1986 sol gobiernu de Margaret Thatcher. Nel añu 2000, el gobiernu llaborista creó una nueva autoridá del Gran Londres, que consiste nuna asamblea y un alcalde que gobiernen tola zona.
El términu "Gran Londres" yá s'utilizaba antes del añu 1965, especialmente pa referise al área d'operación del Metropolitan Police Service, que nun coincidió coles fronteres del condáu de Gran Londres hasta l'añu 2000. Anguaño prefier utilizase la espresión "Metropolitan Police District".
Economía
El Gran Londres ye una de los principales economíes de la Unión Europea. Según Eurostat, el so PIB en 2009 yera de 335 600 millones d'euros, €44 400 per cápita. Londres interior, pela so parte, representa 232 400 millones d'euros y 78 000 per cápita.[4]
Mapa
La distribución alministrativa del Gran Londres ta entendida polos siguientes 32 conceyos y la Ciudá de Londres:
|  |
|
Referencies
