Harold J. Stone

Nació'l 3 de marzu de 1913. Empecipió los estudios de medicina na Universidá de Buffalo (State University of New York at Buffalo) en 1929, anque llueu los abandonó en beneficiu del cine. Fíu de padres actores, a los seis años debutó nel teatru. Nel cine'l so primer papel sería na película The Blue Dahlia en 1946 basada na novela de Raymond Chandler. Les sos traces dures y afilaes lleváronlu a interpretar diverses películes d'ambiente boxeísticu como The Harder They Fall xunto a Humphrey Bogart, que convirtióse nel so amigu personal. Con Alfred Hitchcock rodaría en 1956 The Wrong Man y participaría en grandes producciones como Spartacus de Stanley Kubrick. Trabayó tamién el so llau cómicu en tres películes col so amigu Jerry Lewis y, en total, interpretó a más de cientu cincuenta personaxes distintos en cuarenta años d'oficiu.

Finó'l 18 de payares de 2005 en Los Angeles por causes naturales.^[3]