Inglés británicu

L'inglés ye una llingua xermánica occidental que s'anició de los dialeutos anglo-frisones llevaos a Inglaterra polos colonizadores xermánicos de delles partes de lo que ye güei el noroeste d'Alemaña y el norte de los Países Baxos. Primeramente, el idioma anglosaxón yera un grupu diversu de dialeutos, reflexándose nos oríxenes variaos de los reinos anglosaxones d'Inglaterra. Unu d'esos dialeutos, el dialeutu saxón occidental, llegó a apoderar. L'idioma anglosaxón taba influyíu por dos foles d'invasión; la primera polos falantes de la caña escandinava de la familia xermánica; conquistaron y colonizaron partes de Gran Bretaña nos sieglos vii y ix. La segunda foi de los normandos nel sieglu xi, que falaben Normandu antiguu y desenvolvió una variedá del inglés llamáu anglo-normandu. Estos dos invasiones causaron que l'inglés volviérase "mistu" hasta ciertu grau (anque nun foi nunca un idioma mistu nel sentíu estrictu de la pallabra; los idiomes mistos surden de la cohabitación de falantes de distintos idiomes, que desenvuelven una llingua híbrida por comunicación básica).

La cohabitación colos escandinavos resultó nuna simplificación de la gramática y arriquecimientu léxicu significativu del nucleu anglo-frisón del inglés; la posterior ocupación normanda llevó al insertamientu nesi nucleu xermánicu d'una capa más ellaborada de pallabres dende la caña románica de les llingües indoeuropees. Esta influencia normanda entró al inglés en gran parte al traviés de les cortes y el gobiernu.

Como l'inglés alredor del mundu, l'idioma inglés como s'usa nel Reinu Uníu ya Irlanda ta gobernáu por convención más que por un códigu formal: nun hai un cuerpu equivalente a l'Académie française o a la Real Academia Española, y los diccionarios d'autoridá (por casu, Oxford English Dictionary, Longman Dictionary of Contemporary English, Chambers Dictionary, Collins Dictionary) rexistren l'usu mas nun lo prescriben. Amás, el vocabulariu y el so usu camuden col tiempu; les pallabres son fácilmente tomaes d'otros idiomes («préstamos llingüísticos») y otres variedaes del inglés. Coles mesmes, los neoloxismos son frecuentes.

Por razones históriques que daten dende'l surdimientu de Londres nel sieglu ix, la forma del idioma faláu en Londres y en Midlands del Este volvióse l'inglés estándar dientro de la corte, y finalmente la base pal usu xeneralmente aceptáu nel derechu, gobiernu, lliteratura y educación dientro del Reinu Uníu. En gran midida, la ortografía británica moderna foi estandarizada en A Dictionary of the English Language de Samuel Johnson (1755), anque escritores previos tamién xugaron un papel importante nesto y enforma camudó dende 1755. Escocia, que tuvo n'unión parllamentaria con Inglaterra solo en 1707 (y devuelta en 1998) entá tien dellos aspeutos independientes d'estandarización, especialmente dientro del so sistema llegal autónomu.

Dende entamos del sieglu xx, numberosos llibros d'autores británicos que tienen como oxetivu sirvir como guíes de gramática y usu del inglés fueron publicaos, dalgunos d'ellos algamaron abonda aclamación pa permanecer en circulación por llargos periodos y fueron reeditaos dempués de delles décades. Estos inclúin, más notablemente, Modern English Usage de Fowler y The Complete Plain Words de sir Ernest Gowers. Guíes detallaes de munchos aspeutos pa escribir inglés británicu pa publicación tán incluyíes en guíes d'estilu de dellos editores como'l periódicu The Times, la Oxford University Press y la Cambridge University Press. Les guíes de la Oxford University Press fueron ellaboraes orixinalmente como una sola páxina por Horace Henry Hart y fueron, na so dómina (1893) la primer guía del so tipu n'inglés; fueron espandíes gradualmente y eventualmente publicaes, primero como Hart's Rules y, más apocayá (2002), como parte del The Oxford Manual of Style. Comparable n'autoridá y estatura al The Chicago Manual of Style pa inglés d'Estaos Xuníos, el Oxford Manual ye un estándar refechu pa inglés británicu publicáu, al cual pueden referise'l escritores ante l'ausencia d'un documentu específicu publicáu pola casa editorial que va publicar el so trabayu.

Los dialeutos y acentos varien ente los cuatro países constituyentes del Reinu Uníu, y tamién dientro d'ellos mesmos. Tamién hai diferencies nel inglés faláu por distintos grupos socioeconómicos en cualquier rexón particular.

Les divisiones principales tán clasificaes de normal como inglés d'Inglaterra (o inglés tal como ye faláu n'Inglaterra, qu'inclúi los dialeutos del inglés d'Inglaterra del sur, del inglés de Midlands y del Norte d'Irlanda), el inglés de Gales y el inglés d'Escocia (nun confundise col escocés). Los diversos dialeutos británicos tamién difieren nes pallabres que tomaron de distintos idiomes. L'escocés y los dialeutos del inglés del norte inclúin munches pallabres d'orixe nórdicu antiguu y delles tomaes del gaélicu, anque la mayor parte de la estructura y les pallabres comunes son conservadoramente anglosaxones, d'ende 'kirk' (church - ilesia), 'beck' (stream - regueru), 'feart' (feared - tarrecíu), 'fell' (hillside - fastera), 'kistie' (chest, box - arcón, caxa), 'lang syne' (long ago - fai enforma), etc.

Dempués del postreru estudiu de dialeutos del inglés (1949-1950), la Universidá de Leeds empezó un nuevu proyeutu. En mayu de 2007 el Conseyu d'Investigación de les Artes y Humanidaes dieron un subsidiu a un equipu empobináu por Sally Johnson, profesora de Llingüística y fonética na Universidá de Leeds, pa estudiar los dialeutos rexonales británicos.^[5][6]

Esta tabla contién munchos casos de diferencies ente les formes del inglés británicu y el inglés d'Estaos Xuníos.

• Cockney
• Diferencies ente l'inglés británicu y americanu
• Idiomes del Reinu Xuníu
• Inglés australianu
• Inglés canadianu
• Inglés del Ulster
• Inglés de les Islles Malvines
• Terminoloxía de les islles britániques

Artículos rellacionaos n'inglés

• American and British English differences
• List of words having different meanings in British and American English

• McArthur, Tom (2002). Oxford Guide to World English. Oxford: Oxford University Press. ISBN 0-19-866248-3 hardback, ISBN 0-19-860771-7 paperback.
• Bragg, Melvyn (2004). The Adventure of English, London: Sceptre. ISBN 0-340-82993-1
• Peters, Pam (2004). The Cambridge Guide to English Usage. Cambridge: Cambridge University Press. ISBN 0-521-62181-X.
• Simpson, John (ed.) (1989). Oxford English Dictionary, 2nd edition. Oxford: Oxford University Press.

• Sounds Familiar? - Exemplos d'acentos y dialeutos rexonales del Reinu Uníu en sitiu 'Sounds Familiar' de la Biblioteca Británica
• Acentos y dialeutos del archivu de soníu de la Biblioteca Británica
• Acentos del inglés d'alredor del mundu Puede escuchase y comparar como les mesmes 110 pallabres son pronunciaes en 50 acentos del inglés d'alredor del mundu *

The Septic's Companion: A British Slang Dictionary - un diccionariu en llinia pa la xíriga británica, vistu alfabéticamente o por categoría