John Barry

Nació en York, Yorkshire, Gran Bretaña el 3 de payares de 1933. El so nome completu yera John Barry Prendergast, y yera fíu de padre irlandés y madre inglesa. La so madre yera pianista clásica y el so padre, natural de Cork y que fuera proyeccionista de cine mudu, foi dempués propietariu de dellos cines pel norte d'Inglaterra. Por cuenta de ello, el mozu John creció influyíu poles películes que vía, como declararía dempués. Asistió al St Peter's School en York y tamién recibió clases de composición de Francis Jackson, organista de la catedral de York.

El jazz influyó nes sos primeres composiciones y refléxase perfectamente tamién na música interpretada pol so primer grupu, The John Barry Seven.

La familia de Barry tuvo arreyada nel negociu del cine, pero foi mientres el so Serviciu Nacional nel exércitu británicu qu'empezó a desempeñase como músicu (tocando la trompeta), dempués de tomar un cursu per correspondencia (col compositor de jazz, Bill Russo) y trabayar como arreglista pa delles de les bandes musicales d'aquel entós, cuando formó'l so propiu grupu, The John Barry Seven, foi ende onde conoció al compositor Adam Faith, y con ellos compunxo cantares y pieces pa delles películes.

Estos llogros captarón l'atención de los productores de la película Dr. No, Albert R. Broccoli y Harry Saltzman quien amosaben un disgustu pola partitura escrita pol compositor Monty Norman, polo que despidieron a Norman y encamentaron a Barry a componer el restu de la partitura de la cinta, amás d'iguar y face-y cambeos importantes al tema principal, lo que resultaría na creación del tema de James Bond.

Ye de normal conocíu por tener un estilu que se basa nel estensivu usu de los instrumentos de vientu y metal y nes cuerdes exótiques, al par de ser un músicu innovador, siendo de los primeros n'utilizar sintetizadores nuna partitura pal cine (On Her Majesty's Secret Service).

La orquestación de Barry combina la seición de les trompetes cola de les cuerdes creando un soníu fácilmente reconocible. La so música, de normal, realza la respuesta del públicu escontra una película como más notablemente puede vese en Midnight Cowboy, Out of Africa, y Dances with Wolves.

Non solo compunxo música pal cine, yá que la so collaboración cola televisión foi enorme, tanto en películes de cine como en series televisives. Una d'estes ye'l tema que creó pa la serie de televisión The Persuaders na que'l cantar se caracterizó pol usu del sintetizador Moog.

So ye tamién la música pa dellos musicales, ente los que s'atopa l'esitosu West End, The Little Prince and The Aviator y Lolita, My Love, toos ellos teniendo a Alan Jay Lerner como lletrista.

Mientres 2006 foi'l productor executivu del discu Here's to the Heroes del grupu australianu The Ten Tenors. L'álbum presenta dellos cantares escritos en collaboración col so lletrista habitual y amigu Don Black.

John Barry foi incluyíu en 1998 nel Songwriters Hall of Fame.

De siete candidatures a los Óscar, ganó cinco estatuilles: Born Free (1966), pola que ganó'l premiu nes categoríes d'Meyor banda sonora y Meyor cantar; The Lion in Winter (1968); Out of Africa (1985) y Dances with Wolves (1990).

John Barry morrió d'un ataque al corazón el 30 de xineru de 2011, a la edá de setenta y ocho años.

John Barry vivió na so natal Inglaterra hasta la década de 1970. Pasó un tiempu n'España por cuestiones d'impuestos, pero finalmente establecióse n'Estaos Xuníos, n'Oyster Bay, pela rodiada de Nueva York.

Sufrió en 1988 una rotura nel esófagu que-y dexó espuestu a una neumonía y alloñó-y momentáneamente de la composición. Volvió los años siguientes col ésitu avezáu ganando nuevamente un Óscar (1990) cola banda sonora pa Dances with Wolves interpretada por Kevin Costner y col tema pa Chaplin que foi nomáu (1992) pa la estatuína.Declaró años dempués que les películes de los últimos tiempos nun merecíen la so música y, poro, dexó de componer nueves bandes sonores.

Casóse cuatro veces, los sos trés primeros matrimonios terminaron en divorciu, Barbara Pickard (1969 - 71), Jane Birkin (1965- 68). Casóse cola so última esposa, Laurie Barry, el 3 de xineru de 1978.

Tuvo tres fíos, pertenecientes al so primeru, segundu y cuartu matrimoniu, respeutivamente.

Na ceremonia de clausura de los Xuegos Olímpicos de Londres 2012 na que se reconocieron con imáxenes y soníu a grandes músicos populares británicos, como Los Beatles, Bee Gees, Queen, etc, dieron a John Barry el momentu más importante del eventu, nel qu'al apagase la llapada olímpica se fixo col fondu musical d'una de les sos más recordaes obres, el cantar de la película Dances with Wolves.

Identifícase-y por ser el músicu qu'acompañaba les películes de James Bond, anque nes últimes películes de la serie David Arnold encargóse d'escribir la música del 007 por encamientu del mesmu Barry.

Dempués del ésitu de Dr. No, Barry volvería pa componer la música d'once de les siguientes catorce películes de James Bond.Mientres la so estancia na serie Barry dio-y a la mesma un soníu bien característicu basáu n'arreglos jazzísticos, l'usu de los instrumentos de vientu-metal nes escenes d'aición y un ciertu toque de sensualidá, siendo la película Goldfinger la primera de la serie na que fai apaición el llamáu "soníu Bond".

Pa From Russia with Love creó un tema-insinia pa Bond, alternativu al famosu tema de James Bond llamáu "007" y que repitiría en Thunderball, You Only Live Twice, Diamonds Are Forever y Moonraker.

Paralelamenta a la so maduración como compositor, na música de les películes de 007 concentróse más nes melodíes exótiques y nel aspeutu sinfónicu dexando un pocu de llau l'usu de los metales, como puede vese nes bandes sonores de Moonraker y Octopussy.iama

• 1962 - [Dr. No (película)|Dr. No]] (namái tema principal, non acreditáu)
• 1963 - From Russia with Love
• 1964 - Goldfinger
• 1965 - Thunderball
• 1967 - You Only Live Twice
• 1969 - On Her Majesty's Secret Service
• 1971 - Diamonds Are Forever
• 1974 - The Man with the Golden Gun
• 1979 - Moonraker
• 1983 - Octopussy
• 1985 - A View to a Kill
• 1987 - The Living Daylights

• 1959 - Beat girl
• 1960 - Never Let Go *1962

- The L-Shaped Room

• 1964 - Séance on a Wet Afternoon *1964

- Zulu

• 1964 - Man in the Middle
• 1964 - The Knack... and How to Get It *1965

- The Ipcress File

• 1965 - Mister Moses *1965

- Four in the Morning *1965- King Rat

• 1965 - Promise Her Anything *1966

- The Wrong Box

• 1966 - The Chase *1966

- Born Free (Óscar a la meyor Banda Sonora Orixinal y al Meyor cantar)

• 1966 - The Quiller Memorandum
• 1968 - Petulia
• 1968 - Deadfall
• 1968 - The Lion in Winter (Óscar a la meyor Banda Sonora Orixinal)
• 1968 - Boom *1969

- Midnight Cowboy

• 1969 - The Appointment *1970

- The Last Valley

• 1970 - Monte Walsh
• 1970 - Murphy's War
• 1971 - Mary, Queen of Scots (nomáu al Óscar)
• 1971 - Walkabout
• 1971 - They Might Be Giants *1972

- A Doll's House

• 1972 - Alice's Adventures in Wonderland
• 1973 - The Glass Menagerie
• 1973 - Love Among the Ruins
• 1974 - The Dove *1974

- The Tamarind Seed *1974- The Day of the Locust *1976- Robin and Marian

• 1976 - King Kong
• 1977 - The White Buffalo *1977

- The Betsy

• 1977 - The Deep *1978

- Game of Death *1978- Starcrash

• 1978 - The Corn Is Green *1979

- Hanover Street

• 1979 - Night Games
• 1979 - The Black Hole *1980

- Raise the Titanic

• 1980 - Max's Bar *1980

- Somewhere in Time

• 1981 - The Legend of the Lone Ranger *1981

- Body Heat *1981- Bells

• 1982 - Hammett
• 1982 - Frances
• 1982 - The Golden Seal *1983

- High Road to China *1984- Mike's Murder

• 1984 - The Cotton Club
• 1984 - Until September
• 1985 - Jagged Edge
• 1985 - Out of Africa (Óscar a la meyor Banda Sonora Orixinal)
• 1986 - Peggy Sue Got Married *1986

- A Killing Affair *1986- The Golden Child *1986- Howard the Duck *1987- Hearts of Fire *1987- Masquerade *1990- Dances with Wolves (Óscar a la meyor Banda Sonora Orixinal)

• 1992 - Chaplin (nomáu al Óscar)
• 1992 - Ruby Cairo
• 1993 - Indecent Proposal *1994

- My Life *1994- The Specialist *1995- The Scarlet Letter *1997- Swept from the Sea

• 1998 - Mercury Rising
• 1999 - Playing by Heart
• 2001 - Enigma

• The Adventurer
• Eleanor and Franklin
• The Newcomers
• The Persuaders!
• Vendetta

• The Americans
• The Beyondness of Things
• Eternal Echoes

Óscar

Globu d'Oru

• Wikimedia Commons acueye conteníu multimedia sobre John Barry.
• Páxina de John Barry (Español)
• Barry nel Poder De La Pallabra
• Entrevistando a John Barry