María Amelia d'Austria

María Amalia nació nel Palaciu Imperial de Hofburg, Viena, cerca d'once selmanes dempués de la muerte del so hermanu Leopoldu Xosé, l'únicu fíu varón de los sos padres. La so madre foi incapaz de concebir más fíos dempués de María Amelia, supuestamente porque'l so padre contraxera sífilis d'una de los sos amantes y pasó la enfermedá a la so esposa, lo que fizo infértil a la Emperatriz. El padre de María Amelia tenía, una llarga llista d'amantes, y dellos fíos illexítimos.

Cuando María Amelia tenía nueve años, el so padre morrió de viruela y foi asocedíu como emperador del Sacru Imperiu pol so hermanu Carlos VI. Carlos ignoró un decretu robláu mientres el reináu del so güelu Leopoldu I, dándo-yos prioridá na socesión a les fíes del fíu mayor de Leopoldu. Sicasí, promulgó la Pragmática Sanción de 1713, que sustituyó a María Amalia y a la so hermana María Josefa cola so propia fía María Teresa na llinia de socesión. A les archiduqueses movíes, nun se-yos dexaba casase hasta qu'arrenunciaren a los sos derechos a la socesión d'Austria.

Casóse con Carlos VII del Sacru Imperiu Romanu'l 5 d'ochobre de 1722. Tuvieron siete fíos:

• Maximiliana, princesa de Baviera (1723). Morrió nuevu.

• María Antonia, princesa de Baviera (18 de xunetu de 1724 - 23 d'abril de 1780). Casada con Federicu Christian, Eleutor de Saxonia.

• Teresa Benedicta, princesa de Baviera (6 d'avientu de 1725 - 29 de marzu de 1743), morrió soltera.

• Maximiliano III, Eleutor de Baviera (28 de marzu de 1727 - 30 d'avientu de 1777).

• Xosé Lluis Llión, príncipe de Baviera (25 d'agostu de 1728 - 2 d'avientu de 1733).

• María Ana, princesa de Baviera (7 d'agostu de 1734 - 7 de mayu de 1776). Casada con Lluis Xurde Simpert, margrave de Baden-Baden.

• María Josefa, princesa de Baviera (20 de marzu de 1739 - 28 de mayu de 1767). Casada col so primu segundu Xosé II, Sacru Emperador Romanu Xermánicu.

Morrió'l 11 d'avientu de 1756 en Múnich.

• Wikimedia Commons acueye conteníu multimedia sobre María Amelia d'Austria.