Monte Blue

El so verdaderu nome yera Gerard Montgomery Bluefeather, y nació n'Indianapolis, Indiana. El so padre yera d'ascendencia francesa y Cherokee, y finó siendo Blue nueva. Con un total de cinco fíos, la so madre nun podía crialos por sigo sola. Por ello Blue y unu de los sos hermanos fueron almitíos na Indiana Soldiers' and Sailors' Children's Home, daqué que nun-y torgar progresar y llegar a estudiar na Universidá Purdue.

Blue curiaba'l so físicu y aportó a xugador de fútbol americano. Amás de deportista, Blue tamién foi bomberu, trabayador del ferrocarril, mineru, cowboy, caballeru circense, lleñador y, finalmente, xornaleru nos estudios cinematográficos de D. W. Griffith.

Cuando llegó a la pantalla nun tenía nenguna esperiencia teatral. Na so primer película, The Birth of a Nation (1915), el so trabayu foi como especialista y extra. Na siguiente, Intolerancia (1916), yá fixo un pequeñu papel. De manera gradual foi progresando en papeles de repartu pa producciones de D. W. Griffith y Cecil B. DeMille, hasta que-y llegó'l so gran oportunidá como Danton en Los dos güérfanes, xunto a les hermanes Lillian Gish y Dorothy Gish. A partir d'ende consiguió l'estrellalgu como primer actor románticu, trabayando xunto a actrices de la talla de Clara Bow, Gloria Swanson y Norma Shearer. El so más frecuente compañera de repartu foi Marie Prevost cola cual rodó dellos filmes mediada la década de 1920 para Warner Brothers. La meyor interpretación de Blue na dómina del cine mudu foi la d'un médicu alcohólicu qu'atopa'l paraísu nel filme de MGM White Shadows in the South Seas (1928). Blue foi una de les poques estrelles mudes que superó con ésitu la transición al cine sonoru. Sicasí, perdió tolos sos aforros na quiebra financiera de 1929.

Darréu Blue enfocó la so carrera a trabayar como actor de calter, lo cual fixo hasta'l momentu de la so retirada del cine en 1954, anque siguió siendo actor de calter en producciones televisives, principalmente en westerns, hasta 1960. Unu de los sos papeles más destacaos foi'l de xérif in Key Largo, na que trabayó con Lionel Barrymore.

Blue divorcióse de la so primer esposa en 1923 y casóse con Tova Jansen en 1924. Tuvo dos fíos, Barbara Ann y Richard Monte. Monte Blue finó en Milwaukee, Wisconsin, en 1963 por causa de un infartu agudu de miocardiu asocedíu mientres s'atopaba enfermu por una gripe. Tenía 76 años d'edá. Foi soterráu nel Campusantu Forest Lawn Memorial Park de Glendale (California).

A Blue concedióse-y una estrella nel Paséu de la Fama de Hollywood, nel 6290 de Hollywood Boulevard, pol so trabayu pal cine.

• The Birth of a Nation (1915)
• Intolerancia (1916)
• Wild and Woolly (1917)
• M'Liss (1918)
• Johanna Enlists (1918)
• The Romance of Tarzan (1918)
• The Squaw Man (1918)
• Something to Think About (La fuercia del querer) (1920)
• The Affairs of Anatol (El señoritu Primavera) (1921)
• Los dos güérfanes (1921)
• Peacock Alley (1921)
• Broadway Rose (1922)
• Brass (1923)
• Main Street (La cai mayor) (1923)
• Loving Lies (1924)
• The Marriage Circle (Los peligros del flirt) (1924)
• Mademoiselle Midnight (1924)
• Kiss Me Again (Kiss Me Again) (1925)
• Red Hot Tires (1925)
• So This Is Paris (La llocura del charlestón) (1926)
• Across the Pacific (1926)
• White Shadows in the South Seas (1928)
• El show de los shows (1929)
• Isle of Escape (1930)
• Desert Gold (1936)
• Mystery Sea Raider (1940)
• Sullivan's Travels (1941, ensin creitos)
• Across the Pacific (1942)
• Key Largo (1948)
• Apache (1954)

• Esta obra remanez de la traducción de Monte Blue de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Monte Blue na Internet Movie Database (n'inglés)
• Lliteratura sobre Monte Blue