Neodrepanis hypoxantha

La filepita suimanga ventrigualda ye un páxaru pequeñu (ente 9 y 10 cm de llargor)^[4] de cola curtia, y picu llargu y curvado escontra baxo, afechu pa l'alimentase del néctar de les flores. El plumaxe del machu ye bien llamativu, coles partes inferiores de color mariellu intensu y les partes cimeres negruzas con iridiscencies azules. Los sos güeyos tán arrodiaos por una carúncula verde y azul qu'ocupa gran parte de la so cara. Les femes son menos llamatives nes partes cimeres una y bones les tienen de tonos verdes oliváceos y escarecen de les carúncules na cara. El picu y les pates de dambos son de color coritu.

Alcuéntrase namái nes viesques de monte del este de Madagascar, principalmente percima de los 1600 metros d'altitú.

Les filepitas suimanga ventrigualdas son principalmente nectarívores. Defenden agresivamente les fontes de néctar de los rivales de la so mesma especie y tamién de los suimangas.

La filepita suimanga ventrigualda ta clasificada como especie vulnerable por BirdLife International y la UICN. Enantes tuvo clasificáu como en peligru d'estinción, o inclusive posiblemente estinguida por cuenta de la falta de censos ornitolóxicos nes zones más elevaes del so área de distribución. Investigaciones posteriores afayaron que yera más abondosa de lo que se creía, anque sigue amenazáu pola perda d'hábitat y la fragmentación de les sos poblaciones.

• Wikimedia Commons acueye conteníu multimedia sobre Neodrepanis hypoxantha .