Orson Scott Card

Card ye unu de los seis fíos de Willard y Peggy Card, y hermanu mayor de Arlen Card. Nació en Richland, Washington, y creció en Santa Clara, California tamién tuvo per Mesa, Arizona y Orem, Utah. Sirvió como misioneru para La Ilesia de Xesucristu de los Santos de los Últimos Díes en Brasil y graduóse na Universidá Brigham Young y na Universidá d'Utah; tamién tuvo un añu realizando un programa de doctoráu na Universidá de Notre-Dame. Anguaño vive en Greensboro, Carolina del Norte un ambiente que xugó un papel importante en Ender's Game y en munches otres obres de sos.

Relixón

La práutica de Card de la relixón mormona ye un elementu importante de la so vida. Unu de los sos tatarabuelos yera Brigham Young, un importante líder de La Ilesia de Xesucristu de los Santos de los Últimos Díes, y tolos sos antepasaos nes últimes trés xeneraciones fueron mormones. Ente los sos ancestros inclúyense otros mormones destacaos como Charles Ora Card, fundador de la colonia mormona de Cardston, na provincia canadiense d'Alberta. La so fe foi una fonte d'inspiración qu'influyó les sos obres y opiniones personales.^[8]

Política

Nel añu 2006, un día antes de les eleiciones presidenciales nos Estaos Xuníos, Card escribió un artículu d'opinión en RealClearPolitics, na qu'a pesar de ser un demócrata, animaba a los votantes a sofitar al partíu republicanu.^[9]N'otru artículu escritu pal Mormon Times, condergaba la decisión de cualquier gobiernu qu'aprobara'l matrimoniu gai afirmando que "ensin importar la llei, el matrimoniu namái tien una definición, y cualquier gobiernu qu'intente camudala ye'l mio enemigu mortal. Voi actuar pa destruyir esi gobiernu y acabar con él..."^[10] Nel añu 2009 Card convertitiose en miembru de la National Organization for Marriage, un grupu que trata de torgar la llegalización de los matrimonios ente'l mesmu sexu.^[11] Card pidió que les lleis contra la conducta homosexual permanezan nos llibros y un regresu a los valores que tinia EEXX na década de 1960.^[12][13]

Mediu ambiente y Ciencia

Anque sofita la investigación de fontes d'enerxía alternatives y la superación del usu de combustibles fósiles, Card criticó con frecuencia les aiciones pa evitar el calentamientu global y afirma que los presuntos peligros del calentamientu global "convirtiéronse nuna ortodoxa científica qu'atrabanca la investigación y l'alderique".^[14]El so rellatu curtiu "Angles" amuesa a unos científicos que tarrecen siguir la so investigación porque diría en contra del dogma científicu establecíu. Tamién, quiciabes poles sos creencia relixoses, amosó la so rocea respeuto al darvinismu n'oposición a la pseudo teoría del Diseñu intelixente (de la que tamién resabia, pero por razones distintes). Anque critica a los científicos qu'afirmen que'l darvinismu esplica por completu'l funcionamientu de la evolución, Card tamién dixo que "la ciencia nunca demostró nin va poder demostrar nunca'l Diseñu Intelixente."^[15]

Obres anteriores al Xuegu de Ender

• Capitol (1978)
• Un planeta llamáu Traición (1978)
• El maestru cantor (1979)
• La saga de Worthing (1983)
• Esperanza del Venao (1985)

Saga de Ender

Dientro de la so estensa obra destaca La saga de Ender formada por seis llibros:

• Ender's Game (1985),
• La voz de los muertos (1986),
• Ender el xenocida (1991),
• Fíos de la mente (1996),
• Guerra de regalos (2007),
• Ender nel exiliu (2008).

Saga de la Solombra

Anque Scott Card afirmó que nun diba prosiguir la saga de Ender, escribió una nueva saga paralela a la Saga de Ender, formada hasta'l momentu por cinco llibros:

• La solombra de Ender (1999)
• La solombra del Hegemón (2001)
• Marionetes de la Solombra (2002)
• La solombra del xigante (2005)
• Solombres en fuga (2012)
• Les solombres viven

Saga de Alvin Maker

• El séptimu fíu (1987)
• El profeta coloráu (1988)
• Alvin l'aprendiz (1989)
• Alvin l'oficial (1995)
• Fueu del corazón (1998)
• La ciudá de cristal (2004)

Saga de la torna

• La memoria de la Tierra (1992)
• La llamada de la Tierra (1992)
• Les naves de la Tierra (1994)
• Torna a la Tierra (1995)
• Nacíos na Tierra (1995)

Antoloxíes de cuentos

• Mapes nun espeyu (1992)
• El guardián de los suaños (2011)

Otres obres del autor

• Wyrms, (1987),
• Traición (1988) reelaboración de "Un planeta llamáu traición".
• Abyss, (1989) novelización de la película de James Cameron, realizada en collaboración con este.
• Los neños perdíos, (1992)
• Los cuentos ocultos, (1992) Inclúi los rellatos "Ender's Game", "L'aprendiz Alvin y l'aráu inservible" y "Neglixencia"
• La xente del marxe, (1994)
• Observadores del pasáu: La redención de Cristóbal Colon, (1996)
• L'arca de l'ayalga, (1999)
• Encantamientu, (2002),
• Cai de maxa, (2005)
• Imperiu, (2005)
• Ultimate Ironman (guión de los cómics), (2005)
• The Dig (diálogos) 1995
• The Secret of Monkey Island escritor d'insultos (1990)
• Pathfinder (2010)
• La Tierra Desprevenida (2012) Precuela de la Saga Ender I
• La puerta oculta (2012)
• La Tierra En Llapaes (2013) Precuela de la Saga Ender II
• Ruines (2013). (Pathfinder 2).
• El lladrón de puertes (2014). (La puerta oculta 2).
• Earth Awakens (2014) Precuela de la Saga Ender III

• Wikimedia Commons acueye conteníu multimedia sobre Orson Scott Card .
• Orson Scott Card na Internet Movie Database (n'inglés)
• Orson Scott Card en Facebook