Partíu Comunista Alemán

El DKP foi fundáu n'Alemaña Occidental (RFA) en 1968, col fin d'ocupar l'espaciu políticu dexáu pol Partíu Comunista d'Alemaña (KPD) dempués de la so illegalización pol Tribunal Constitucional Federal en 1956. Antes de la fundación del partíu tuvieron llugar delles conversaciones ente ex funcionarios del KPD y el ministru de xusticia, Gustav Heinemann, que suxurió a los comunistes la posibilidá de formar un nuevu partíu políticu dada la imposibilidá de refundar un partíu prohibíu.^[1] Mientres la Guerra Fría, el DKP recibía parte de los sos fondos del Partíu Socialista Unificáu d'Alemaña (SEI), qu'ostentaba'l poder na República Democrática Alemana (RDA) dende'l final de la Segunda Guerra Mundial. Tres la reunificación, el DKP entró nuna dómina de decadencia, perdiendo sofitu popular y militantes hasta llegar a la décima parte de los que tenía na dómina anterior a la unificación.

El DKP na actualidá

Na actualidá, el DKP ye un partíu minoritariu. Tocantes a la so afiliación internacional, formaba parte, en calidá d'observador, del Partíu de la Izquierda Europea hasta febreru de 2016. Caltién un selmanariu allegáu, denomináu Unsere Zeit. Nel so XX Congresu, celebráu'l 2 y 3 de marzu de 2013 na ciudá de Mörfelden (Hesse), los delegaos escoyeron a Patrik Köbele como nuevu líder Presidente del DKP.

• Sitio web oficial del DKP (n'alemán)
• Wikimedia Commons acueye conteníu multimedia sobre Partíu Comunista Alemán.