Ray Teal
Ray Teal (12 de xineru de 1902, Grand Rapids – 2 d'abril de 1976, Santa Monica) foi un actor d'Estaos Xuníos que, a lo llargo d'una carrera artística de 37 años, actuó en más de 250 películes y nunos 90 programes televisivos.
Ray Teal | |
|---|---|
 | |
| Vida | |
| Nacimientu | Grand Rapids, 12 de xineru de 1902[1] |
| Nacionalidá |  Estaos Xuníos |
| Llingua materna | inglés |
| Muerte | Santa Monica, 2 d'abril de 1976[1] (74 años) |
| Estudios | |
| Estudios | Universidá de California en Los Angeles |
| Llingües falaes | inglés[2] |
| Oficiu | líder de banda, direutor d'orquesta, actor, saxofonista, actor de televisión, actor de cine |
| Xéneru artísticu | western |
| Instrumentu musical | saxofón |
| IMDb | nm0853576 |
 | |
Biografía
Nacíu en Grand Rapids (Michigan), Teal yera saxofonista enantes de dedicase a la interpretación, abrir camín como líder de banda mientres estudiaba na Universidá de California en Los Angeles.
Él fixo pequeños papeles en películes de xéneru western mientres dellos años enantes de consiguir un papel sustancial en Northwest Passage (1940). Otru de los sos papeles destacaos foi'l de Little John en The Bandit of Sherwood Forest (El fíu de Robin de los montes) (1946) y, quiciabes, la más destacada de les sos actuaciones cinematográfiques foi la de xuez en Judgment at Nuremberg (1961), filme interpretáu, ente otros actores, por Spencer Tracy.
Na temporada 1955-1957 intervieno en tres episodios de la serie televisiva Crossroads, una producción centrada en clérigos de distintos enclinos relixosos, y en 1955 trabayó nel episodiu "Julesburg" del show de l'ABC Cheyenne, protagonizáu por Clint Walker.
Sicasí, el so papel más duraderu foi'l del Xérif Roy Coffee na serie de la NBC Bonanza (1960–1972). Enantes tamién fuera xérif nel filme El gran antroxu.
Ray Teal finó por causes naturales en 1976 en Santa Monica (California). Tenía 74 años d'edá. Foi soterráu nel Campusantu de Holy Cross, en Culver City, California.
Filmografía escoyida
- Northwest Passage (1940)
- Sergeant York (1941)
- They Died with Their Boots On (1941)
- The Big Shot (1942)
- Apache Trail (1942)
- Back to Bataan (1945)
- Dead Reckoning (1947)
- Road House (1948)
- The Wild North (1952)
- The Wild One (¡Selvaxe!) (1953)
- The Indian Fighter (Pactu d'honor) (1955)
- The Guns of Fort Petticoat (1957)
- Inherit the Wind (1960)
- Cattle King (Pistoles na frontera) (1963)
- Bullet for a Badman (1964)
- Chisum (1970)
Referencies
Enllaces esternos
- Ray Teal na Internet Movie Database (n'inglés)
- Biografíes d'actores de Bonanza
- «Ray Teal». en Find a Grave. (n'inglés)
