Sabino Álvarez Gendín
Ferramientes
Xeneral
Imprentar/esportar
Sabino Álvarez-Gendín y Blanco (21 de marzu de 1895, Avilés – 30 de payares de 1983, Madrid) foi un caderalgu universitariu de derechu alministrativu, maxistráu del tribunal supremu y rector de la Universidá d'Uviéu.
Realiza los estudios de bachiller n'Avilés. Una vegada concluyíu'l bachilleratu treslladóse a Madrid y empieza a estudiar na Universidá Central de Madrid. Una vegada llicenciáu torna a Asturies y n'Uviéu empieza a estudiar el doctoráu nel so universidá. Doctórase finalmente en 1921.
Una vegada doctoráu treslladóse a Salamanca pa trabayar na Universidá como profesor auxiliar. En pasando un tiempu treslladóse a Francia p'ampliar los sos estudios de Derechu. Una vegada rematada la so estancia en Francia torna de nuevu a Uviéu n'ónde llogra la cátedra de derechu en 1934.
En 1937 ye nomáu rector de la universidá cargu que va ocupar hasta 1951.
En 1955 foi nomáu maxistráu del Tribunal Supremu, cargu qu'ocupó hasta la so xubilación.
Foi tamién cofundador del Real Institutu d'Estudios Asturianos.
Miembru del Patronatu Raimundo Lulio, del Conseyu Cimeru d'Investigaciones Científiques y de la Seición Española del Institutu Internacional de Ciencies Alministratives.