Securigera varia

Yerba viviega de 0,2-06 m, bien ramificada, difusu-ascendente, endurecida na so base y multicaule con tarmos fistulosos. Fueyes alternes estremaes n'hasta 12 pareyes de foliolos oblongos o elípticos. Flores papilionácees de color ablancazáu, rosáu o púrpura que tiende al azul, dispuestes en grupos de 10 a 12 flores.

Distribución submediterránea. Forma parte de les orles herbales de montes caducifolios submediterráneos y yerbazales mesófilos que colonicen les escamplaes d'esti tipu de montes, anque n'ocasiones apaez naturalizada en dellos puntos de la mariña, en yerbazales desenvueltos sobre suelos fondos, húmedos y subnitrificaos, en terremplénes, veres d'acequies y márxenes de campos de regadío, ente 100 y 1.300 m.

Usos

Cardiotónico d'usu llindáu a prescripción facultativa. Les sos granes contienen un heterósido (ircanósido) que'l so aglicón (ircanogenina), una anhidroestrofantidina, amosó amás d'una aición cardiotónica, un marcáu efeutu antitumoral. Dosis: Usu so prescripción y control médicos.^[1]

• Wikimedia Commons tien conteníu multimedia tocante a Securigera varia.