Ted McGinley

Ted na so adolescencia y mocedá foi un activu deportista, corredor de tabla y trabayó de salvavides. Gracies al so bon físicu y rubiu porte de galán, empezó una carrera de modelu publicitariu, paralelu a ello estudió actuación, presentándose a diversos castings. En 1980 lléga-y el so primer gran oportunidá, integrándose al repartu de la esitosa sitcom Happy Days nel papel de "Roger Phillips" de 1980 a 1984. Depués de la cancelación de "Happy Days", foi parte regular del repartu de la yá consagrada serie The Love Boat de 1984 a 1986, nel papel del fotógrafu "Ace Covington". De 1986 a 1987 dio vida a Clay Fallmont n'otru ésitu de los ochenta: Dinastia.^[3]

La so carrera nel cine empezó en 1984 cola taquillera La vengación de los nerds, onde da vida al presumíu y discriminador "Stan Gable", presidente de la fraternidá Alpha Beta y enemigu acérrimo de los "Nerds". Gracies al ésitu de la película, representó a esti personaxe en 3 películes más de la famosa franquicia "Nerd", en 1987, 1992 y 1994. En 1991 tomu'l papel del vividor, pero risonderu y atentu Jefferson D'Arcy na esitosa serie televisiva Casáu con fíos hasta 1997, esti papel que-y dio fama nel mundu enteru.^[4]

Ted siguió trabayando como actor invitáu en distintes series de televisión, películes y mini-series dende los ochenta hasta l'actualidá, según tamién dio vida a distintos personaxes animaos en Cartoon Network. Del 2003 al 2006 trabayu na famosa comedia de situación Hope & Faith dando vida a Charlie Shanowski el padre d'una familia disfuncional y atipica, la so fía na ficción, Sydney Shanowski foi interpretada por Megan Fox de 17 años nesi entós.

Ta casáu cola actriz Gigi Rice dende 1991. Tienen 2 fíos, el mayor nació en 1991 y el postreru llámase, Beau Martin, nacíu'l 25 de mayu de 1994.

• Wikimedia Commons tien conteníu multimedia tocante a Ted McGinley.

• Ted McGinley na Internet Movie Database (n'inglés)
• Ficha na NNDB (n'inglés)