Tresporte d'Asturies

Tocantes a tresporte per carretera hai tres eje tradicionales de comunicación n'Asturies que suponíen les antigües carreteres nacionales: la exa de la mariña, N-632 de Ḷḷuarca a Ribeseya; la N-634 de Ribadeo - La Espina - Uviéu - Ribeseya - Unquera y l'exa Xixón - Uviéu - Pandu, N-630.

Estes exes modificáronse cola actuación na década de 1990 y la primer década del sieglu XXI de forma que tolos tramos de carretera nacional tán pasando a autovía o autopista y añadióse una nueva exa que constitúi l'Autovía Minera. Estes son les autopistes o autovíes d'Asturies:

N'Asturies operen dos compañíes de ferrocarril: Renfe y FEVE. Dambes ufierten un serviciu de cercaníes, rexonal y nacional de tresporte de persones y mercancíes, magar dende va munchos años el tresporte de mercancíes per ferrocarril foi perdiendo la so importancia yá que la meyora del tresporte per carretera, per un sitiu, y el descensu del nivel de industrialización de la provincia, sobremanera no qu'afecta a siderurxa y minería, restáron-y interés.

¹Cercanías y rexonal (Alvía)

Serviciu de cercaníes

Cercaníes Asturies
Llinies xestionaes por Renfe Cercaníes
Llinia			Orixe/Destinu	Destinu/Orixe	Pasaxeros (2012)[4][5]
	Llinia C-1		Xixón-Sanz Crespo	Puente Los Fierros	3.631.561
	Llinia C-2		L'Entregu	Uvíeu	983.594
	Llinia C-3		San Juan de Nieva	Llamaquique	824.062
Llinies xestionaes por Renfe Feve
	Llinia C-4f		Xixón Sanz Crespo	Cuideiru	444.546
	Llinia C-5f		Xixón Sanz Crespo	Llaviana	523.535
	Llínía C-6f		Uviéu	L'Infiestu	694.631
	Llinia C-7f		Uviéu	San Esteban	42.976
	Llinia C-8f		Ablaña	Baíña	77.266
	Llinia C-9f		Trubia	Xixón Sanz Crespo	145.873¹

¹Solo ente Xixón y Uviéu. Los viaxeros ente Uviéu y Trubia tan incluios en los datos de la llinia C-7f.

Serviciu de llargu percorríu

Los dos puertos más importantes d'Asturies son el puertu d'Avilés (Avilés) y el puertu d'El Musel (Xixón).

Puertu d'El Musel

Dispón d'una terminal de Ro-Ro perteneciente a la Llinia Atlántica Ro-Ro. Dispón de terminales pa graneles sólidos, contenedores, carga xeneral, productos siderúrxicos, graneles líquidos y pesca.

Puertu d'Avilés

Ta asitiáu na Ría d'Avilés y dispón de les siguientes instalaciones: Muelles de San Agustín, Muelle pesqueru, Muelles de Raigaños, Ampliación del Muelles de Raigaños, Dársena de San Juan de Nieva y Muelle d'Inespal. Dispón tamién de Terminal de contenedores, tráficu de graneles y productos siderúrxicos.

N'Asturies hai un aeropuertu perteneciente a AENA, l'Aeropuertu d'Asturies, en Castrillón. Esiste amás un aeródromu, el de La Morgal, en Llanera.

Aeropuertu d'Asturies

L'Aeropuertu d'Asturies ye un aeropuertu Nacional de AENA. Con más d'un millón de pasaxeros al añu, aumentó'l númberu d'éstos gracies a la creación de nuevos destinos y al aumentu de la frecuencia de vuelu colos yá esistentes. Opera coles compañíes Iberia LAE, Air Europa, Air Nostrum y Easy Jet y da serviciu a los siguientes destinos: Madrid, Barcelona, Alicante, Lanzarote, Málaga, Palma de Mallorca, Sevilla, Tenerife, Valencia, París y Londres.

Aeródromu de La Morgal

Dotáu d'una pista d'aterrizaxe de 930 m y de un helipuertu. Ta dedicáu a l'aviación non comercial y deportiva. Ye la base del helicópteru de los Bomberos del Principáu d'Asturies y el 112 Asturies.

El Consorciu de Tresportes d'Asturies (CTA) ye un ente públicu del Principáu d'Asturies creáu pola Llei 1/2002 del Gobierno del Principáu d'Asturies.^[9] Nel Consorciu tán integraos, amás del Gobiernu del Principáu, 14 conceyos^[10] d'otros tantos conceyos asturianos pa coordinar y xestionar los tresportes según desenvolver polítiques alcordaes d'ordenación del tresporte de viaxeros nel Principáu d'Asturies.

El Consorciu tien suscritos alcuerdos con distintes operadores de viaxes per carretera y ferrocarril por que los viaxeros que dispongan de tarxetes de tresporte del CTA mover nos distintos autobuses urbanos, interurbanos o trenes a un mesmu preciu.

Usuarios CTA (2015-2019)