Triangulum
Triangulum (el "Triángulu") ye una pequeña constelación del norte, que les sos trés estrelles más brilloses, de tercera y cuarta magnitú, formen un triángulu casi isósceles. Ye una de les 88 constelaciones modernes y tamién foi una de les 48 llistaes por Ptolomeo.Nun tien de ser confundida cola constelación austral Triangulum Australe.
| El Triángulu Triangulum | ||
|---|---|---|
 Carta celeste de la constelación del Triángulu na qu'apaecen les sos principales estrelles. | ||
| Nomenclatura | ||
| Nome n'asturianu | El Triángulu | |
| Nome en llatín | Triangulum | |
| Xenitivu | Trianguli | |
| Abreviatura | Tri | |
| Descripción | ||
| Introducida por | Conocida dende l'Antigüedá | |
| Superficie | 131,8 graos cuadraos 0,320 % (posición 78) | |
| Ascensión reuta | Ente 1 h 31,47 m y 2 h 50,67 m | |
| Declinación | Ente 25,61° y 37,35° | |
| Visibilidá | Completa: Ente 52° S y 90° N Parcial: Ente 64° S y 52° S | |
| Númberu d'estrelles | 25 (mv < 6,5) | |
| Estrella más brillante | Metallah (mv 3,42) | |
| Oxetos Messier | 1 | |
| Oxetos NGC | 84 | |
| Oxetos Caldwell | Nengunu | |
| Lluvies de meteoros | Nenguna | |
| Constelaciones colindantes | 4 constelaciones | |
| Meyor mes pa ver la constelación Hora llocal: 21:00 | ||
| Mes | Avientu | |
| [editar datos en Wikidata] | ||
Carauterístiques destacables
De pequeñu tamañu y escareciendo d'estrelles brilloses, l'oxetu de mayor interés nesta constelación ye la galaxa del Triángulu (M33), una galaxa espiral que forma parte del Grupu Llocal.Ye'l tercer miembru más importante del grupu dempués de la Vía Láctea y la galaxa d'Andrómeda.Piénsase que pue tar gravitacionalmente amestada a esta postrera.
Estrelles principales
- α Trianguli (Metallah o Mothallah), ye una binaria espectroscópica de magnitú 3,41, menos brillosa que β Trianguli.
- β Trianguli (Deltotum o Deltotron), la más brillosa de la constelación con magnitú 3,00, una estrella subxigante blanca.
- γ Trianguli, estrella blanca de magnitú 4,03.
- δ Trianguli, nana mariella daqué mayor que'l Sol a solu 35 años lluz de distancia.
- ε Trianguli, estrella doble formada por una estrella principal de magnitú 5,50 y otra secundaria de magnitú 11.
- ι Trianguli (TZ Trianguli), sistema estelar cuádruple y estrella variable.
- 7 Trianguli, estrella blanca de la secuencia principal de magnitú 5,25.
- 13 Trianguli, nana mariella con una antigüedá de más de 6500 millones d'años de magnitú 5,89.
- X Trianguli, binaria eclipsante de magnitú 9,00.
- UV Trianguli, variable Delta Scuti de magnitú 11,2.
- HD 9446, nana mariella con dos planetes.
- HD 13189, xigante naranxa acompañada d'una nana marrón o un planeta xigante.
Oxetos de cielu fondu
- Galaxa del Triángulu (M33), galaxa espiral tipu Sc y miembru del Grupu Llocal que paez ser una galaxa satélite de la galaxa d'Andrómeda, asitiada a 2,9 millones d'años lluz. Al tener magnitú 5,8, ye lo suficientemente brillosa pa ser acolumbrada a simple vista nel cielu nocherniegu.
- Nebulosa NGC 604, la rexón más grande d'hidróxenu ionizado que se conoz.
- Galaxa espiral NGC 925, según les galaxes NGC 672 y IC 1727, estes postreres separaes apenes 88 000 años lluz.
- Quasar 3C 48, al norte de la constelación, unu de los primeros descubiertos.
Historia y mitoloxía
A pesar de ser una constelación menor, el grupu d'estrelles que forma Triangulum yá yera conocíu na antigüedá y, por cuenta de la so paecencia cola lletra griega Δ tomó dacuando'l nome de Delta o Deltotum.
Pola so forma tamién s'acomuñó al delta del ríu Nilu y rellacionóse cola islla de Sicilia.
Una versión esplicaba que pola mor del pocu rellumu d'Aries, el dios Hermes asitió sobre esa constelación delles estrelles a les que dio la forma de la lletra delta, como primer lletra del xenitivu de Zeus (Διός).
Referencies
Enllaces esternos
Wikimedia Commons acueye conteníu multimedia sobre Triangulum.
- Eratóstenes: Catasterismos (Καταστερισμοί).
- 20: Triángulu (Δελτωτόν; Deltōton, Triangŭlum): la delta, lletra inicial del nome de Zeus (Διός), o bien el Delta del Nilu (simbolizando Exiptu).
- Testu llatín en Google Books; facsímil electrónicu.
- Testu griegu n'Internet Archive; facsímil electrónicu.
- Testu llatín en Google Books; facsímil electrónicu.
- 20: Triángulu (Δελτωτόν; Deltōton, Triangŭlum): la delta, lletra inicial del nome de Zeus (Διός), o bien el Delta del Nilu (simbolizando Exiptu).
- Higino: Astronomía poética (Astronomica).
- 19: Triángulu.
- Testu inglés nel sitio Theoi; trad. de 1960 de Mary Grant.
- 19: Triángulu.
Datos: Q10565- Multimedia: Triangulum (constellation)
