Warhammer Fantasy

Primeramente esti universu de ficción foi creáu como un sistema de combate de mases pa xuegos de rol. publicáu per primer vegada en 1983. Nun tomaría'l nome de xuegu de miniatures Warhammer Fantasy Battle, hasta la so segunda edición nel añu 1985.

Tres años dempués de Warhammer Fantasy Battle, en 1986, Games Workshop publicaba Warhammer Fantasy Roleplay, el xuegu de rol ambientáu nel universu Warhammer Fantasy. N'avientu de 1997 la editorial madrilana la Factoría d'Idees foi la primera en traducilo y publicar (col títulu de Warhammer Fantasía).^[1]

A finales de los años 80 Games Workshop mercó los derechos de la marca HeroQuest, que Greg Stafford, l'entós presidente de la editorial Chaosium, había reserváu pero non anováu. D'esta miente en 1989 Games Workshop y Milton Bradley publicaben conjuntamente el xuegu de tableru HeroQuest. Años dempués, en 2003, Greg Stafford recuperó la marca HeroQuest pa cuenta del so editorial Issaries, Inc., lo que-y dexó la publicación del xuegu de rol HeroQuest. Esti HeroQuest ye un xuegu de rol ambientáu nel universu llamáu Glorantha y nun tien nada que ver col universu Warhammer Fantasy nin col xuegu de tableru tituláu HeroQuest.

La revista de Games Workshop especializada nel universu Warhammer Fantasy (na que se describen otros xuegos según danse conseyos pa pintar figures y miniatures) ye la revista White Dwarf («nanu blancu»).

L'ésitu del universu de fantasía medievalista Warhammer Fantasy dexó a Games Workshop la creación, en 1987, de dos nuevos xuegos:

• Una versión de ciencia ficción pa otru xuegu de miniatures, esta vegada llamáu Warhammer 40.000.
• Una versión humorística (de tableru) na que personaxes de ficción propios del universu Warhammer Fantasy pertenecíen xugando una particular variante del fútbol americanu: Blood Bowl.

• Warhammer, el xuegu de rol
• Games Workshop
• Warhammer Fantasy Battle
• Warhammer 40.000