Камаев Рәшит Борхан улы
Камаев Рәшит Борхан улы (22 февраль 1937 йыл — 6 май 2000 йыл) — СССР һәм Рәсәй философы һәм социологы, юғары мәктәп уҡытыусыһы. Философия фәндәре докторы (1987), профессор (1987)[1]. Башҡортостан Республикаһының атҡаҙанған фән эшмәкәре (1997).
Камаев Рәшит Борхан улы | |
Тыуған көнө | |
---|---|
Тыуған урыны | |
Вафат көнө | |
Вафат урыны | Башҡортостан Республикаһы Өфө ҡалаһы |
Ил | |
Ғилми даирәһе | философия |
Эшләгән урыны | Өфө дәүләт авиация техник университеты |
Альма-матер | Бөрө дәүләт педагогия институты |
Ғилми дәрәжәһе | философия фәндәре докторы |
Ғилми исеме | профессор |
Ғилми етәксеһе | |
Уҡыусылары | |
Ниндәй өлкәлә танылған | философ һәм социолог |
Биографияһы
Рәшит Борхан улы Камаев 1937 йылда 22 февралендә Яңауыл ауылында тыуа[1][2].
1961 йылда Бөрө дәүләт педагогия институтын тамамлай. ВЛКСМ-дың Тәтешле район комитеты секретары була[1][2].
1962 йылдан — Әлшәй ауыл производство идаралығының комсомол ойошмаһы секретары[1][2].
1965 йылдан — Айбүләк урта мәктәбе директоры[1][2].
1967 йылдан — КПСС-тың Яңауыл район, 1969 йылдан — Нуриман район комитеттарының агитация һәм пропаганда бүлеге мөдире[1][2].
1974 йылда Н. Г. Чернышевский исемендәге Саратов дәүләт университетында «Колхоздың социаль үҫешен планлаштырыу: (Методология һәм методика)» темаһына диссертация яҡлай һәм «философия фәндәре кандидаты» ғилми дәрәжәһен ала[3].
1974 йылдан — уҡытыусы, 1987 йылдан — профессор, 1989 йылдың 30 июненән 1990 йылдың 12 мартына тиклем — Өфө дәүләт авиация институтының ғилми коммунизм кафедраһы етәксеһе[1][2][4].
1987 йылда Суслов Михаил Андреевич исемендәге Дондағы Ростов дәүләт университетында «философия фәндәре докторы» ғилми дәрәжәһен алыу өсөн «СССР-ҙа ауыл һәм ҡала араһындағы һиҙелерлек айырмалар юйылыу процессын етәкләүҙең теоретико-методология мәсьәләләре» темаһына диссертация яҡлай[5].
1990 йылдан — Өфө дәүләт нефть техник университетындағы философия кафедраһының профессоры һәм етәксеһе[1][2].
1995 йылдан — Өфө дәүләт нефть техник университетының гуманитар факультеты деканы.
«Белем» йәмғиәтенең социаль сәйәсәт һәм ауылдың социаль проблемалары темалары буйынса әүҙем лекторы[2].
100-ҙән ашыу фәнни-ғәмәли эштәр авторы. Ғилми эшмәкәрлеген ауыл һәм ҡаланың үҙ-ара мөнәсәбәте, ауыл производство коллективтарының социаль үҫеш методология проблемаларын, урбанизация процесстарын моделләштереү һәм көйләүгә бағышлай[1][2].
Хеҙмәттәре
Монографиялары
- Камаев Р. Б. Планирование социального развития колхоза: Методология обоснование и опыт разраб. плана в колхозе «Победа» Альшеев. р-на БАССР на 1976—1980 гг. / Под ред. проф. Н. А. Аитова. — Уфа: Башкирское книжное издательство, 1976. — 112 с.
- Аитов Н. А., Камаев Р. Б. Новый промышленный центр и село. — М.: Экономика, 1983. — 104 с.
Мәҡәләләре
- Аитов Н. А., Камаев Р. Б. О методологии изучения социальных различий города и деревни // Социологические исследования. — 1983. — № 2. — С. 136—140.
- Авдонин А. Н., Камаев Р. Б., Рыжевская Д. С. Экологическое сознание: состояние и причины пассивности //|Социологические исследования. — 1997. — № 8. — С. 88—92.
Маҡтаулы исемдәре һәм башҡа бүләктәре
- Башҡортостан Республикаһының атҡаҙанған фән эшмәкәре (1997).
Иҫкәрмәләр
Һылтанмалар
- Камаев Рәшит Борхан улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 19 февраль 2022)