Bejgische Eifl

Ois bejgische Eifl (dt.: belgische Eifel) wead im deitschsproching Tei vo Bejgien zmeisd da sidliche Tei vo da Deitschsproching Gmoaschoft bezeichnd, dea'n Kanton Sankt Vith buidd. Noch diesa Definizion ghead's Gebiet vo de Gmoana: Amel, Büllingen, Buag-Reuland, Bütgenbach und Sankt Vith za da bejgischn Eifl.^[1][2] Des seah ländli prege Gebiet is im Gengsotz zan neadlichn Tei vo da DG, om Eupena Land, seah dinn bsiedld.

Ois bejgische Eifl ko owa aa oigmoa jena Tei vo da Noad- und Westeifl vastondn wean, dea in Bejgien liegd. Da Begriff wead ned duachgengig vawendd, do de Grenz za de Ardennen im Bereich van Hohn Venn fliassnd is.^[3]

Foingde Gebiete kenna im weidan Sinn za da bejgischn Eifl zehjd wean:

• A Tei van Zittawoid (Westtei vo da Noadeifl), soweid se diese Hochfläch noch Bejgien in Richtung Bütgenbach foatsetzd
• Da westlichsde Tei vo da Schnää-Eifl (Ommerwoid) und's deitschsprochige Gebiet um Sankt Vith
• As Hohe Venn (Hautes Fagnes), wos owa aa za de Ardennen zehjd wean ko
• Geologisch und geografisch ko aa on Tei van Eupena Land za da Eifl grechnd wean.
• A kloana Tei van Ösling (Higlland im neadlichn Luxnbuag).