Kranawitt
| Kranawitt Gemeiner Wacholder/Heide-Wacholder | ||||||||||||
|---|---|---|---|---|---|---|---|---|---|---|---|---|
 Kranawitt (Juniperus communis) | ||||||||||||
| Systematik | ||||||||||||
| ||||||||||||
| Wissnschoftlicha Nama | ||||||||||||
| Juniperus communis | ||||||||||||
| L. |
Da Kranawitt, Kranawittn, im boarischn Woid (af Noadmittlboarisch) a Krowied(stauan) (Juniperus communis, dt.: Gemeiner Wacholder, aa Heide-Wacholder), is a Pflanznoart, wo zua Gattung vo de Wachoida aus da Familie vo de Zypressn (Cupressaceae) kheat.
Bezeichung
Da Nom kimmt vom mhd. "kranech" fia Krechza (vamutle zweng de krechzandn Laute vom Krammetvogl / Kranewittvogl = Wachoidadrossl) und "wit" fia "Untahoiz, Gebisch". Im Boarischn gibts dafia vui Noma: Kranewitt, Kranewitten, Kronabit, Krammetsbaam, Feiabaam, Machandl, Jochandl, Raichastrauch, Wochtlbian usw.[1]
Voiksglaam
Zua Weihnochtszeit san Kranawittn-Zweigal iwa de Stoitian obrocht worn, um bese Geista und Hexn obzhoidn.
Nutzung
Hoiz
Da Kranawitt is a Keanhoizbaam. Da relativ broade Splint hod a hejgejbe Foab, des Keanhoiz is rodbraun. De mittlare Rohdichtn betrogt 0,55 g/cm³. Des Hoiz is sea wittarungsbstendig und hod an ognehman Duft. Wei de Baama ned so gross wean, wead des Hoiz eha fia Kloameben, zan Drexln und Schnitzn vawendd.
Fricht
De Fricht hoassn a Kranawittn oda Kranawittnbean, obwois Zopfn san.
Gewiaz: De Kranawittn san a wichtigs Gwiaz in vuien eiropäischen Küchen, bundas fia de boarische Kuche (unentbeale fia Sauakraut, Wuid). De Fricht soin eascht kuaz vor da Vawendung zudruckt wean, domids Aroma voi wiakt.
Schnops: Kranewitta hoasst ma an Schnops, wo aus Kranawittn brennt is (Variantn vom Kranawittnschnops san: Steinhäger, Gin, Genever, Köhm).
Medizin
Bodwossazuasotz: steigat de Bluadzirkulation[2]
Kranawittntee: 1 EL zadruckte Bean af oana Tassn kochands Wossa, noch 10 Minuten obseichn und dringa.[2]
Kranawittnwein: 50 zaquetsche Bean in 1 l Wein schittn und a Woch steh lossa; duach a Sieb gebm und de Bean ausdrucka. Soi gegn Rheuma hejfa.[2]
Kranawittnej (Aetheroleum Juniperi) wead duach Wossadampfdestillation aus reifn, drickadn Kranawittn gmocht. Wiakt harntreibend.[3][4][5]
Galerie
Kranawittn besiadln a Dunalandschoft af Denemark
Zweigal mit Nodln
Illustration
reife und unreife Beernzopfa
Kranawittn af da Lüneburga Hoad
Junge Trieb
Reife Beernzopfa an am Zweigal
Beleg
Literatua
- Olaf Schmidt (Red.): et al.: Beiträge zum Wacholder. Berichte aus der Bayerischen Landesanstalt für Wald und Forstwirtschaft, Nr. 41. Herausgegeben von der Bayerischen Landesanstalt für Wald und Forstwirtschaft (LWF). LWF, Freising 2003
- Gerd Haerkötter, Marlene Haerkötter: Rund um den Wacholder. Kochen - Heilen - Zauberei, Buch 6. Eichborn, Frankfurt am Main 1987, ISBN 3-8218-1305-9
Im Netz
Commons: Kranawitt – Sammlung vo Buidl, Videos und Audiodateien- R.P.Adams: Juniperus of Canada and United States: Taxonomy, Key and distribution – Kapitel Juniperus communis L. (PDF 4.507,19 KB) In: Phytologia 90(3). , S. 15 ff., archiviert vom Original [1] am 15. Oktoba 2011; abgerufen am 31. Mai 2010 (englisch).
- Systematik und Beschreibung vo da Oart ba The Gymnosperm Database. (engl.)
- Steckbriaf ba baumkunde.de.
- Vagiftunga mit Kranawittn
- Kranawittn ois Gwiaz ba Katzer
- Juniperus communis in da Rotn Listn vo de gfäadatn Oatn vo da International Union for Conservation of Nature and Natural Resources (IUCN) 2010. Eingestellt von: Conifer Specialist Group, 1998. Ogruafen am 31. Mai 2010
Oach (1989) |Rotbuachn (1990) |Sommalindn (1991) |Beaguim (1992) |Speialing (1993) |Eiropäische Eibm (1994) |Spitzahorn (1995) |Hainbuachn (1996) |Ebaeschn (1997) |Wuidbian (1998) |Suibaweidn (1999) |Sandbiakn (2000) |Eschn (2001) |Kranawitt (2002) |Schwoazerle (2003) |Weisstanna (2004) |Rosskastanie (2005) |Schwoazpappe (2006) |Woidkiefa (2007) |Woinuss (2008) |Bergahorn (2009) |Vogl-Kiaschn (2010) |