Qiqihar
Qiqihar (kinesisch: 齐齐哈尔市/齊齊哈爾市 Qíqíhā'ěr Shì) is a beziaksfreie Stod im Siidwestn vo da Provinz Heilongjiang im neadlichn Kina in Asien. Da Naum vo da Stod hoaßt auf Deitsch gsogt sovü wia Grenzmork. Qiqihar is oane vo de ödastn Städte im Noadostn vo Kina und is im 17. Jh. n. Chr. gründt woan. Vo 1931 bis 1945 woas a wichtiga Militeastitzpunkt vo de Japaner in da Mandschurei.
Geographie
Qiqihar hod uma 5,611 Mio. Leid, davau wohnan 883.550 (Staund 1. Jenna 2005) in da „Innenstodt“, de se auf drei Stodbeziake aufteid. De Beziake hoassn Longsha, Jianhua und Tiefeng. S'Vawoitungsgebiet vo da Stod hod a Flechn vo uma 43.000 km². Davau ham de Beziake vo da Stod a Flechn vo 4.310 km². Qiqihar liegt 146 Metta iwan Meer drüwa und doat regnds 415 mm in an noamaln Joar. Qiqihar hod, weis im neadlichn China liegt a Durchschnidstemparatua vo 3,2 °C (Jenna -25,7 °C, Juli 22,8 °C) ghead oiso ind kontinentale Klimazone.
| Jän | Feb | Mär | Apr | Mai | Jun | Jul | Aug | Sep | Okt | Nov | Dez | Joar | |
|---|---|---|---|---|---|---|---|---|---|---|---|---|---|
| Im Durchschnid hechste Temparatua (°C) | -12,4 | -6,5 | 2,7 | 13,1 | 21,2 | 26,2 | 28,0 | 26,3 | 20,3 | 11,1 | -1,1 | -10,1 | 9,9 |
| Im Durchschnid niadrigste Temparatua (°C) | -23,7 | -19,3 | -10,1 | -0,2 | 8,0 | 14,9 | 18,5 | 16,6 | 9,1 | -0,2 | -11,3 | -20,4 | -1,5 |
| Durchschnittlicha Niedaschlog (mm) | 1,5 | 1,7 | 5,6 | 17,3 | 29,6 | 67,1 | 128,1 | 90,0 | 45,5 | 20,1 | 4,4 | 3,6 | 415,2 |
| Durchschnittliche Tog wos regnd | 3,5 | 3 | 3,4 | 5,1 | 7,2 | 11,2 | 13,7 | 11,2 | 9,1 | 5,1 | 3,5 | 4,9 | 80,9 |
