Radio BUH
Radio BUH is a gmoanitzigs Webradio, des wo si um de Eahoidung vo da boarischn Kuitua und Sproch kimmat.[1]
Gschicht
Radio BUH is im Feba 2015 vo da Blosmusigruppn LaBrassBanda und da Dettl Evi grindt woan. Da Senda gibt aa jungan, unbekanntn Kinstlan a Chance. Mid Reportagen iwa lokale und soziale Projektt drongs aa zua Väikavastendigung bei.[2]
Programm
As Konzept bsteht aus ana eklektischn Auswoi voa oim aus Pop, Oldies, bayerische Newcomer, Rock, Klassik und Wejdmusi. Dazua keman liawevoi produziade Reportagen, generationsiwagreifade Gspräch, de Feadarung vo interkulturejn Projektn und de Berichteastottung zu lokaln Musivaoostoitunga.
Iwa 40 ehrenamtliche Radio-DJs und drei ausuidade Redakteure gstoitn aktuej as Programm.[3]
Technik
Im Radiostudio Truchtlaching (Cheamgau) wean de Livesendunga produziad. Do is aa as Musiloga, des wo unta andam aus iwa 8.000 Schoiplottna und Singles bsteht. Musi auf Vinyl, mit iam Charme und iara oazigoartign Klangqualitet ois bewußt gsetztn Anka gega de stendige Bschleinigung in da digitaln Zeie.[4]
Empfang
Radio BUH ko iba de Netzseitn vom Betreiba ois Webradio empfanga wean. Oda a iba DAB+ (7A Voralpen).