Suderer
| Der Artikl is im Dialekt Weanarisch gschriem worn. |
Da Suderer oda Sudara is ana, dem ma grundsätzlich nix rechd mochn kaun, a Mensch dea wos imma raunzn tuat. Da Suderer is oisa a notorischa Meckerer, dea wos si üba ollas aufgregt, imma a Hoar in da Suppn findt und oiwäu lamentiat.
Im Untaschied zum obsichtlich boshoftn Suderer is da Grantla a grantiga, owa im Heazn guadmiatiga Mensch.
Variantn und Synonyme fia Suderer san: Suderant, Schaswürfla und Raunza.
Beispü fia bekaunte Suderer
- Östareich wiad manchmoi scheazhoft ois "Voik vo Suderern" oda "Country of Suderer" gnennt[1]
- Oskar the Grouch (a Muppet-Figua in da Sesamstroßn)
- Travnicek, a Kunstfigua, doagstöt vom Helmut Qualtinger in de beriemtn Dialoge min Gerhard Bronner.[2]
- Ernst Naderer, doagstöt vom Ernst Hinterberger in da Serie Kaisermühlen Blues.
Heakunft
Vo boarisch 'sudern, sodern, middlhochdeitsch 'suttern, sottern (a Vasteakung vo 'siadn). Gmaant is damit, dass da Suderer wias siadande Wossa ständig vua si hi brodld (blubbad).
Zitat
- Aus Die Seer vo Hubert von Goisern[3]
auf der Flirthotline
is a Datenstau
suder nit, he suder nit, ge suder nit, he suder nit
weil Suderantn koana braucht
im Cyber Space gibts
Hormonabbau
suder nit, he suder nit, ge suder nit, he suder nit
weil mi dei Suderwerk schlaucht
sie talken und sie chaten
SMSln um die Wettn
suder nit, he suder nit, ge suder nit, he suder nit
ge suder mi nit o
so vü Theorie des is nix für mi
suder nit, he suder nit, ge suder nit, he suder nit
weil I dei Sudern neama hörn ko