Atake nin panunulo sa Animasyon nin Kyoto

Saro an Kyoto Animation sa pinaka-bantog na anime na mga estudyo sa Hapon sa panahon kan pag-atake, na bisto para sa mga titulo arog kan Ang mapanglaw ni Haruhi Suzumiya, K-On! dangan Clannad.^[3] Igwa ining manlain-lain na kinamumugtakan sa Kyoto: nakamugtak an Estudyo 1 sa Fushimi; Estudyo 2 (pamayong opisina), Estudyo 5, dangan nakamugtak an departamento kan pag-uswag nin kalakal sa Uji, sarong estasyon nin tren an rayo sa Estudyo 1, na kung saen kadaklang piggagamit kan direktor nin animasyon dangan kawani nin 3D animation.^[4][5] Pigrekunstruk an establishimento kan 2007.^[6]

Pirang semana bago an pag-atake, nakakaresibe na an Animasyon nin Kyoto nin dakol na banta nin kagadanan. Pigsabi kan presidente kan kumpanya na si Hideaki Hatta na dae ninda aram kun igwang konekta an mga pagbabanta sa insidente, nin huli ta pigpadarahan sinda nin dae nagpapabisto,^[7] alagad pinaisihan niya an pulisya dangan abogado manongod sa sainda.^[8]

Nagpoon an sulo kasabay kan sarong pagsabog^[9] mga 10:31 a.m.^[10][11] (01:30 UTC) na kun saín naglakaw an nagkasala paduman sa Estudyo 1 dangan pinunan niya na suluon an establishimento na igwang 40 litres (8.8 imp gal; 11 US gal) kan gasolina.^[12][13] Pigbitbit kan nagkasala an gasolina 10 km (6.2 mi) an rayo gikan sa establishimento, asin pigtutubudan ini na naglakaw siya paduman sa establishimento na dara-dara an gasolina sa sarong platform trolley.^[14] Nagtutubod an kapulisan na naghalo sa ere an pigplantang gasolina sa lugar, kaya nagkawsa ini nin pagsabog sa poon palang.^[15] Naihayag siya na nagkukurahaw nin "magadan!" (Hapon: 死ね, Hepburn: shine) mantang pigsasagibo an pag-aatake. Pigbuhos man kan nagkasala an gasolina sa pirang mga indibidwal bago ini pakilyabon na nagkawsa sainda na magdalagan paduman sa kalye na nagkakarab.^[12][16][17]

Mantang an kalayo nagdadakula sa entrada, nakulong sa laog kan establishimento an mga staff members. Kag-siyam na mga lawas an nakua sa ikatolong salog harani sa hagyanan paduman sa atop, nagpapatotoo na nagpurbar an mga biktima na makatakas.^[18] Nagdulag sa pinangyarihan an nagkasala alagad hinabol siya kan mga empleyado kan Animasyon nin Kyoto dangan kalaunan buminagsak sa dalan, na kun sain dinakop siya kan kapulisan.^[19] Kadakol na mga dae pa nagamit na mga kutsilyo na nakua na makawarak sa pinangyarihan.^[20]

Napuho' an kalayo bandang 3:19 p.m. (06:19 UTC).^[10] Kan natapos an kapagalan kan mga paraligtas, pigkompirma kaini na nagkakurua na an gabos na tawo sa estudyo.^[21] Bandang 10 p.m. (13:00 UTC), pigpublikar kan Ahensya nin Pagmamanihar nin Kalayo asin Kalamidad na nagsasabi na kompletong naraot kan kalayo an bilog na establishimento. Mayo man lang nin mga fire sprinkler an establishimento, ni panlaog na fire hydrants man lang nin huli sa klasipikasyon kaini bilang sarong sadit na establishimento nin opisina,^[22] alagad mayo man ini nin kakulangan sa fire safety compliance sa kasagsagi kan huring inspeksyon kaini kan ika-17 nin Oktuber 2018.^[10] pinunan na kan Pulisya na mag-imbistigar sa lugar kan establishimento.^[23] Inisyal na pighayag kaini na an entrada kan estudyo nangangaipo nin mga employee pass-card, alagad dae nakakandado an pintuan kan nagmamawot na may mga bisita gikan sa NHK sa oras na 11 a.m. (02:00 UTC).^[24][25][26]

Haros naraot kan atake nin panunulo an Mga materyales asin mga kompyuter kan Animasyon nin Kyoto sa Estudyo 1,^[1][27] bagaman yaon sa Tokushima an sarong sadit na parte kan mga keyframe sa eksibisyon asin sa karahayaan nalikay ini poon sa pagkaraot.^[28] Kan ika-29 nin Hulyo, pighayag kan Animasyon nin Kyoto na nakaligtas sa sulo an mga natagumpay na narekober na mga nadidyital na orihinal na kurit gikan sa sarong serber.^[29]

Pigtala ini bilang saro sa pinakanakakagadan na masaker sa uusipon kan Hapon poon pa kan katapusan kan Ikaduwang Gerang Pangkinaban^[30] asin an pinakanakakagadan na kasulo nin establishimento sa nasyon poon kan Kasulo nin Establishimentong Myojo 56 kan 2001.^[31][32]

Igwa haros 74 katawo an nasa laog kan establishimento kan oras nin kasulo. Nasa kabilugan na 36 katawo an natigbak, kaiba an tolo na dai man nahaloy nagadan sa ospital.^{[lower-alpha 1]} An pira sa mga biktima masakit na bistuhon segun sa pulis kan Kyoto nin huli ta pigsulo sinda na lagpas sa pagbisto.^[40]kan Ipigluwas an mga resulta kan Atopsiya kan ika-22 nin Hulyo 2019 na nagpapahiling na nagsuko an kadaklan sa mga biktima sa mga paso (imbes na sa pagkalason kan carbon monoxide) huli ta sa marikas na pagwarak kan kalayo.^[41][42] Pigsagibo an pagsusuri sa DNA tanganing makatabang sa mga pagkakakilanlan, na naghaloy nin sarong semana pagkatapos kan atake nin panunulo.^[43] Naibareta na an duwang-katlo kan mga biktima (dai mababa sa 20), mga kababaihan, huli ta bisto an estudyo para sa pagkua kan mga babaeng para-animar.^[44]

Hinagad kan presidente kan Animasyon nin Kyoto an midya sa paagki kan pulisya na dai luwason an mga pangaran kan mga biktima bilang pagrespeto para sa saindang pamilya, pigsambit na "mayong magigibo an pagpapaluwas kan saindang mga pangaran tanganing magtabang sa kamarhayan kan publiko."^[45] Kan ika-25 nin Hulyo, pigsabi kan mga pulis kan Kyoto na nabisto na ninda an 34 na mga biktima asin pupunan na an pagbabaralik kan mga lawas kan mga biktima sa saindang mga karelatibo, 2ng aldaw an nakalihis, kan ika-27 nin Hulyo, pigbareta na an sarô sa mga biktima, nagadan sa ospital, na nagpalangkaw kan bilang kan mga natigbak sa 35.^[38] Nagpadagos an mga diskusyon sa Kyoto Animation kun, nuarin asin pano ihahayag an mga nabistong mga nagadan.^[46] Poon kadto, may pirang mga pamilya na nagluwas kan saindang mga nadiskubre sa midya manungod sa estado kan saindang mga padangat sa buhay, kaiba an pamilya kan color designer na si Naomi Ishida, na pigkumpirma an saiyang kagadanan kan ika-24 nin Hulyo.^[47] Kan ika-26 nin Hulyo, pigkumpirma an pamilya kan para-animar, parasurat-iskrip, asin direktor na si Yasuhiro Takemoto sa paagi kan DNA testing.^[48][49] Kan ika-2 nin Agosto, iniluwas kan Pulisya kan Kyoto an sampulo sa mga pangaran kan mga biktima na natapos an mga lubong asin nakua an mga pahintulot kan mga kamag-anak, dangan pigkumpirma man kan aldaw man na ito na kaiba man sa mga nagadan an mga direktor kan animasyon na sinda Yoshiji Kigami asin Futoshi Nishiya.^[50][51] Kan ika-27 nin Agosto, ipigsaalang-alang an epekto sa sosyal kan kaso, opisyal na ipighayag kan mga awtoridad an mga pangaran kan natatadang 25 na biktima.^[52]

Inisyal ini na pigbareta na an 36 na katawo an nalugadan; dai nahaloy, an pigurang ini nagbaba sa 34, kan nagadan sa ospital an duwang tawo.^{[lower-alpha 2]} Sampulô sa mga nalugadan an inisyal na pigbareta ma nasa seryosong kondisyon, saro kan kiisay an matawanan nin pagputol kan mga tuhod.^[59] An mga naibareta na ligtas na kaiba an direktor nin animasyon na si Naoko Yamada, na nagderekta kan K-On! asin A Silent Voice.^{[lower-alpha 2]} Segun sa Ministry of Foreign Affairs kan Habagatan na Korea, saro sa mga nalugadan sa insidente saro na babae na Habagatang Koreana.^{[lower-alpha 2]}

Kan ika-7 nin Setyembre, ipigbareta na an nagpapadagos pa langgad sa pagbulong an 7 kababaihan sa ospital, na kun sain nasa kritikal na kondisyon an 3.^[60] Arog pa man kato, kan ika-18 nin Setyembre naibareta na mayo na sa kondisyon na nagbabanta sa buhay an gabos na 34 katawo na nalugadan sa pag-atake, alagad yaon pa langgad an pipira sa intensive care unit (ICU) na may mga grabe pagkasulo.^{[lower-alpha 2]} Kan ika-4 nin Oktobre 2019, ipighayag na nagadan an sarong babae gikan sa septic shock, na nagdara kan bilang nin nagadan sa 36. Lima pa an yaon sa ICU.^{[lower-alpha 2]}

Si Shinji Aoba (Hapon: 青葉 真司, Hepburn: Aoba Shinji), na nasa edad na 41 na lalaki, na pigbisto na kagsala kan mga pulis asin sarong waranto an pigsagibo tanganing dakupon siya.^[61][62]

Segun sa mga lokal, pirang aldaw bago an insidente, sarong lalaki na kahawig ni Aoba an namataan harani sa estudyo.^[63][64][65] Ipigbareta man na pigbisita niya an dakol na mga lugar nin interes na may katakod sa Sound! Euphonium sa palibot kan syudad sa mga aldaw bago an pag-atake.^[65][14] Kasunod kan pag-atake, nagdulag si Aoba sa eksena alagad nadakop kan Kyoto Prefectural Police harani sa Keihan Railway Rokujizō Station, mga 100 metres (330 ft) gikan sa estudyo;^[66] Pigdara si Aoba sa ospital na may grabeng sulo sa tuhod, daghan, asin lalawgon.^[24][21] Sa Kasagsagi kan pagdara saiya sa ospital, pig-ako niya an pagpuon kan kalayo,^[67] na posible sa pambabalos,^[68] inakusahan an estudyo nin "nakakalusot" o "panunumbulad" (Hapon: パクリやがって, Hepburn: pakuri yagatte) kan saiyang mga nobela.^{[lower-alpha 3]} Sa balyo kaini, enot nang pigsabi ni Hatta na mayong rekord kan siisay mang nagsusumite kan trabaho sa saindang taunang paligsahan sa pagsurat sa irarom kan saindang pangaran.^[59] Kasunod kaiya, inihayag kan Animasyon nin Kyoto na nakaresibi sinda nin sarong burador na nobela gikan sa pinaghihinalaan; arog pa kayan, dai ini nagpasa sa pagtatasa sa enot na yugto dangan nalingawan, asin napatotoohan na mayo nin pagkakaparehas an mga nilalaog kaini sa arinman sa saindang nai-publikar na mga gibo.^[73][74]

Huli ta sa grabeng sulo na sinapo sa insidente, inilipat si Aoba sa sarong ospital nin unibersidad sa Osaka para sa higit pang pagbulong, na kun sain nakatesibi siya nin skin graft surgery.^[62][75] Kan ika-5 nin Setyembre 2019, pigbareta na pigkokonsiderar na dai na nin banta sa saiyang buhay an saiyang mga kalugadan,^[76] alagad padagos pa langgad siyang binubulong sa ICU asin nangangaipo ini nin respiratoryong asistensya para sa sarong bentilador.^[77] Naibalik an pangtaram ni Aoba kan ika-18 nin Setyembre dangan nagpoon na an rehabilitasyon kan ika-8 nin Oktubre, nakakapagtukaw sa sarong wheelchair asin nakakapagmukna na nin mga haralipot na pag-uulay. Nakakua na an pulisya nin sarong waranto para sa saiyang pag-dakop, alagad naghahalat nin kumpirmasyon gikan sa mga doktor na pwedeng makatios si Aoba.^[78][79] Kan ika-14 nin Nobyembre 2019, nilipat na naman siya sa sarong ospital sa Syudad nin Kyoto para sa panghuring rehabilitasyon.^[80] Nabawi niya an kadaklan sa saiyang mga danyos asin binisto an responsibilidad sa pag-atake. Nagpahayag siya kan pagmati asin pasasalamat sa mga kawani kan ospital, na pigsabi niyang binubulong siya ning mas maurag kaysa sa siisay man na nagibo sa saiyang buhay.^[81] Kadaklan sa nasulo na kublit ni Aoba, niribayan nin eksperimentong artipisyal na kublit nin huli ta iniinot muna an mga biktima na makaresibe nin donar na kublit kan tawo.^[82][83] An paggamit kan artipisyal na kublit sa naturang malawig na pagkasulo iyo an enot na kaso sa Hapon.^[82][83] Puon kan Enero 2020^[update], namantinir si Aoba na na-ospital, asin dai makatindog o magkakan na daii pinipirit.^[84]

Nagkaigwa si Aoba nin nainot na historiya nin kriminal asin nagsapo sa sarong helang sa pag-iisip. Kan 2012, inikitan niya an sarong convenience store na may kutsilyo sa Ibaraki dangan nakulong pagkatapos nin tolong-asin-kabangang taon.^[85][86] Pwede an helang sa pag-iisip ni Aoba an nagpababa kan penalidad para sa atake sa sarong sentensya nin kagadanan paduman sa habang buhay na pagkakulong.^[87]

Sarong bulan pagkatapos kan atake nin panunulo, nagppon na an mga biktima na magbalik sa trabaho sa ibang estudyo na kung sain igwa pa an Animasyon nin Kyoto.^[88][89] Sagkod kan Oktubre 2019, nagbalik na an haros 80% kan mga nabubuhay na biktima sa trabaho kaiba an dakol na nagdesisyon na magpalaba nin pahingalo tanganing makayanan an stress asin pagkabalisa na pigdara kan pag-atake.^[89]

Nag-isyu an kompanya nin sarong opisyal na pahayag na naghahagad nin respeto para sa mga biktima asin sa saindang mga miyembro kan pamilya, dangan man pighayag na an gabos na mga pahayag sa puturo, pwedeng gikan na sa pulis o sa saindang mga abogado.^[90] Sagkod Disyembre 2019, nasa proseso nin pagragba an establishimento, ni mayo na nin kadagdagan na plano para sa lugar an ipapahiling pa.^[91] Sa sarong amay na interbyu, an presidente kan Animasyon nin Kyoto Animation na si Hideaki Hatta, pigsabi na ikokonsiderar niya na sanglian an establishimento nin sarong maberdeng pampubliko na parke asin sarong monumento nin girumdoman.^[59][92] Gayunpaman, mawot kan mga residente sa kagtaraidan na dai na matindog an sarong girumdoman nin huli ta rarauton sana kaini an "matuninong na pamumuhay [kan mga lokal na residente]".^[93]

Huli ta sa mga pag-iiskusar sa pagrahay, nasuspinde kan Animasyon nin Kyoto an ika-11 na Mga Onra kan Animasyon nin Kyoto, sarong taunang onrahan tanganing madiskubre an mga bagong uusipon.^[94]

Kan Nobyembre 2019, nagdesisyon an estudyo na magpadagos sa mga programa nin pagsasanay para sa mga nagmamawot na mga para-animar, kung sain sasanayon an mga trainee sa mga pelikula, sketching asin mga animasyon. Sa pagtatapos hali sa programa, pwede an mga natatanging trainee na mai-recruit kan estudyo pagkatapos na masuri pa.^[95]

Epekto sa mga produksyon

Sa responde kan insidente na ini, pigkansela an sarong the publisidad na pangyayari para sa maabot na 2020 pelikula na Free!. naabala an kolaborasyon kan Animasyon nin Kyoto na Sound! Euphonium sa Keihan Main Line, arog kan episodyo 4 kan BEM.^[96] Naabala man nin sarong semana dangan iniluwas na may maaarok kan mga kalayo asin binago an istorya an ikatolong episodyo kan David Production na Fire Force, sarong serye nin anime manungod sa mga bumbero asin mga nagkakagaradan na mga tawo gikan sa kusang pagkasulo.^{[2][97][98][99]} An mga kasunod na episodyo kan Fire Force, hahampangon an parehas na paagi.^[99] Napagdesisyunan kan estudyo na itulak sa paagi kan premiering na Violet Evergarden Gaiden kadtong ika-3 nin Agosto 2019 sa kombensiyon AnimagiC kan Alemanya bilang orihinal na naka-iskedyul.^[100] Pinalawig an mga petsa kan teatrikal na screening kan Hapon nin dagdag na semana^[101] asin pinarangalan an mga biktima sa pantapos na mga kredito.^[102] Sa balyo kan mga naenot na pigbareta sa bareta na nagsasabi na an panginot na maabot na pelikulang Violet Evergarden arog kan naiskedyul sa 10 Enero 2020,^[103] dai nahaloy , pig-anunsyo na ini maaantala sagkod ika-24 nin Abril 2020.^[104]

Nag-aako an Animasyon nin Kyoto nin mga direktang donasyon sa paagi kan sarong lokal na account sa bangko tanganing matabangan an mga biktima nin pag-atake poon ika-23 nin Hulyo 2019 hasta ika-27 nin Disyembre 2019.^{[105][106][107]} Naipon sa account sa bangko an dai-makulang sa ¥3,200,000,000Kasalaan nin pagpapasabot: Dae pinag-asahan an asin na operador..^[108] Kaiba sa mga donasyon an suway na ¥10,000,000Kasalaan nin pagpapasabot: Dae pinag-asahan an asin na operador. donasyon gikan sa sarong musikerong Hapon na si Yoshiki asin an game developer na Key.^{[109][110][111]} Pigtatantyang mangangaipuhan an kumpanya nin mas dakol na numero nin ¥10,000,000,000Kasalaan nin pagpapasabot: Dae pinag-asahan an asin na operador. tanganging masakop an gastuson kan mga biktima asin mga naapektuhan na mga pamilya dangan mga gastos na may katakod sa pagbawi kan pag-ooperar na may katakod sa kompanya.^[112] Sagkod sa Nobyembre 2019, pinunan kan kompanya an proseso kan pagheheras nin mga pondo na naitaas sa mga biktima, na an lambang biktima, makakarisibi nin sarong naaangkop na halaga matapos na marealisar an manlaenlaen na mga pagsasaalang-alang arog kan kalubhaan kan mga danyos, kung an nagsosolo sana na tagasalo nin tinapay o breadwinner an biktima.^[113]

Kan ika-27 nin Oktubre 2019, pig-anunsyo kan gobyerno kan Hapon na isasagibo na an mahigpiton na mga rekisitos para sa pagbakal nin mga gasolina poon sa Pebrero 2020, na kun sain ang mga paratinda, obligado na hilingon an mga ID kan mga parabakal.^[114]

Panadiring-nasyon

Nagluwas nin pakidumamay si Punong ministro Shinzō Abe dangan nagsimbag na siya "mayong maitaram" sa kasagsagi kan insidente. ^{[lower-alpha 4]} An enot sa historya kan korporasyon kan Hapon, ipinasa an sarong panukala sa National Diet tanganing tugutan an mga donasyon sa estudyo na maging tax-exempt.^[115] Nagtao man nin saindang mga kataga nin pakikidumamay an mga embahada kan Intsik, Pranses, Filipinas asin Belgyano sa Hapon.^{[lower-alpha 4]}

Nagluwas man nin pagmakulog asin suporta an pirang mga tawo asin mga organisasyon na may takod sa industriya, arog kan direktor nin anime na si Makoto Shinkai asin Tatsuki, tagapagboses nin aktres kan K-On! na si Aki Toyosaki, tagapagboses nin aktres kan The Melancholy of Haruhi Suzumiya na si Aya Hirano, Minori Chihara, asin si Yūko Gotō, awtor kan Hyōka na si Honobu Yonezawa, Clannad developer company na Key, asin an kompanya nin midya na Korporasyon nin Kadokawa.^{[lower-alpha 4]} Nagtao man an mga estudyo nin Animasyon kan saindang pagsuporta arog kan SHAFT, Sunrise, Bandai Namco Pictures, Animasyon nin Toei, Bones, Khara, Trigger, Walt Disney Japan, asin Madhouse.^{[lower-alpha 4]}

Nagguno nin mga donasyon an Animate na sarong pangenot na retailer kan anime, mga bidyong kawat, asin manga kan Hapon sa gabos na mga tindahan kaini tanganing suportaran an mga biktima.^[134] asin nakaguno nin haros 330 milyon na yen kan ika-1 kan Setyembre.^[135]

Sa ibang nasyon

Nag-alok an kadakol na mga dayuhang dignitaryo, kabali sinda Justin Trudeau, Tsai Ing-wen, António Guterres, asin iba pa kan saindang sadiring mga mensahe nin suporta para sa mga biktima.^{[lower-alpha 4]}

Sa kasagsagi kan sulo, naglunsad an sarong apela nin GoFundMe kan sarong tagapaglisensya nin anime kan Amerika na Sentai Filmworks.^[71] Sa sarong target na US $ 750,000, minalampas ini sa $ 1 milyon markang donasyon sa laog kan enot na 24 na oras.^{[136][137][138]}Nakaguno an apela nin haros sa US $ 1.3 milyon.^[2] Nagduman man an mga tagahanga sa Kyoto Animation's Japanese digital store tanganing direktang makaambag sa paagi kan pagbakal kan high-resolution downloadable images dawa dae na nangangaipuhan ni kawani na ipadara sainda.^[139][140]

Pigdara an mga tagahanga Japanese digital store kan Animasyon nin Kyoto tanganing direktang mag-ambag sa paagi kan pagbakal kan mga nai-download na mga ladawan na pwedeng ma-download na resolusyon huli ta dai na sinda nangangaipuhan nin kawani tanganing maipadara an mga ini.^[139] Nagtao man nin suporta an mga kumpanya sa paglilisensya kan Amerikano na Aniplex of America, Funimation dangan Crunchyroll, asin man an Nickelodeon Animation Studio.^[116] An Cartoon Network's anime-oriented na Toonami na pinunan na harangon an saindang pag-broadcast kan Hulyo 20, naghahagad sa mga paradalan na mag-abuloy sa GoFundMe na itigtugdas kan Sentai Filmworks.^[141]