Charles Correa
Si Charles Mark Correa (1 Septyembre 1930 – 16 Hunyo 2015) sarong Indyanong arkitekto asin urban planner. Siya an natata'wan kredito sa pagpoon kan modernong arkitektura sa post-independyente Indya, siya nauumaw kan saiyang pagmakulog sa mga pangangaipo kan mga tios na taga-syudad asin kan saiyang paggamit kan mga tradisyonal na metodo asin mga materyales.[1]
Charles Correa | |
---|---|
Correa kan 2011 | |
Kamundagan | Secunderabad, Hyderabad State, Indyanong Briton | 1 Septyembre 1930
Kagadanan | 16 Hunyo 2015 Mumbai, Indya | (edad 84)
Nasyunalidad | Indyano |
Alma mater | University of Mumbai Massachusetts Institute of Technology University of Michigan |
Biograpiya
Kaamayi nin buhay
Si Charles Correa, sarong Katoliko Romano nin Goa na namundag kan 1 Septyembre 19030 sa Secunderabad.[2][3] Siya nag'adal sa St. Xavier's College, Mumbai. Dangan siya nagpadagos kan saiyang adal sa Unibersidad nin Michigan (1949–53) kun saen si Buckminster Fuller maestro, asin pa nag'adal siya sa Massachusetts Institute of Technology (1953–55) kun saen nakua niya an saiyang master's degree.[4][5]
Karera
Kan 1958, si Charles Correa nagtugdas kan saiyang praktis na propesyonal sa Mumbai. An enot na magabat na proyekto niya iyo an Mahatma Gandhi Sangrahalaya (Mahatma Gandhi Memorial) Sabarmati Ashram sa Ahmedabad (1958–1963), na nasundan kan Madhya Pradesh Legislative Assembly sa Bhopal (1967). Kan 1961-1966, siya nagdesenyo kan enot niyang high-rise na edipisyo, an mga apartment nin Sonmarg sa Mumbai. Sa National Crafts Museum sa New Delhi (1975–1990), saiyang pig'introdyusir an inapod na "mga kwartong biklad sa langit", asin an sistematikong pag'usar niya nin mga patio. Sa Jawahar Kala Kendra (Jawahar Arts Centre) sa Jaipur (1986–1992), siya nagtaong onra paagi kan saiyang tinugdok na estruktura ki Jai Singh II. Dangan saiyang pig'agda si artistang Briton na si Howard Hodgkin na iyo an magdesenyo kan luwas kan British Council sa Delhi (1987–1992).[5]
Sa peryodong 1970–75, si Charles Correa iyo an Pamayong Arkitekto para New Bombay (Navi Mumbai), kun saen siya damay na gayo sa mahiwas na pagplanong urban kan bagong siyudad.[6][5] Kan 1984, si Charles Correa nagtugdas kan Urban Design Research Institute sa Bombay,[5] na dedikado sa proteksyon kan kapalibotan asin pagpagantad kan mga komunidad urban. Durante kan huring apat na dekada kan saiyang buhay, si Correa nagtoon nin husto sa mga isyu sa urban asin mga bararatong harongan sa Third World. Kan 1985, si Primer Ministro Rajiv Gandhi pignombrahan siyang Pamayo sa National Commission on Urbanization.
Poon 2005 sundo 2008 si Correa iyo an Chairman kan Delhi Urban Arts Commission.
Dangan kaidto si Charles Correa pigdesenyo an Ismaili Centre sa Toronto, Kanada,[7] na nasaro sa lugar an Aga Khan Museum na pigdesenyo man ni Fumihiko Maki,[8] asin pa an Champalimaud Foundation Centre sa Lisbon, na pig'inaguraran ni Presidenteng Portuges na si Aníbal Cavaco Silva kan 5 Oktobre 2010.[9]
Mga ultimong mga taon
Siya nagadan kan 16 Hunyo 2015 sa Mumbai huli sa kahelangan.[10]
Trabaho
Estilo
Si Charles Correa pigdesenyo an haros 100 na edipisyo sa Indya, poon sa bararatong pagharongon abot sa mga condo'ng marahalon. Saiyang hinaboan an mga salming-asin-aserong paggagamit sa mga post-modernistang mga edipisyo, asin nagtoon siyang pag'asikaso sa mga desenyong nakatalanhok sa kulturang lokal, manta naggigibo nin mga solusyon sa pangangaipo kan mga estrukturang moderno sa paagi kan saiyang mga desenyong pinag'isipan nanggad. An estilo niya pa nakatoon man sa pagkaag nin mga espasyo asin mga terasa sa mga natad.[11][12]
An saiyang trabaho manipestasyon pisikal kan ediya na may sarong banwang Indya, modernidad asin progreso. An bisyon niya nakasangat sa tahaw kan kontemporaryong sensibilidad nin Indya mantang ini nagpapahayag nin bagong identidad Indyano gamit an lenggwahe na igwang paghagong sa kinaban. Siya saro sa may pambihirang abilidad na magtaong porma pisikal sa sarong bagay na dai matakma' siring kan 'kultura' o 'sosyedad' - asin an saiyang trabaho kritikal: sa aestitiko, sosyolohikal; asin sa kultural.
— British architect David Adjaye kan 2013.[11]
Kan 2013, an Royal Institute of British Architects nagkaag nin retrospektibong eksibisyon, "Charles Correa – India's Greatest Architect", dapit sa impluwensya kan saiyang trabaho sa modernong urban na arkitekturang Indyano.[6][13]
Mga proyekto
Retrato | Petsa | Pangaran | Lokasyon | Mga Nota |
---|---|---|---|---|
1958–63 | Mahatma Gandhi Sangrahalaya Mahatma Gandhi Memorial | Sabarmati Ashram, Ahmedabad | ||
1958–59 | Cama Hotel | Ahmedabad | pigjhirasng nhuwto kan mga kagsadiri[14] | |
1961–62 | Tube House | Ahmedabad | ginaba'[5] | |
1961–66 | Sonmarg na mga apartment | Mumbai | ||
1967 | Madhya Pradesh Legislative Assembly | Bhopal | ||
1969–74 | Kovalam Beach Resort | Kovalam | arkitekturang nag'aanhay na nakabagay sa palibot[15] | |
1970 | Kala Academy | Panaji | [16] | |
1975–90 | National Crafts Museum | New Delhi | ||
R&D facility of Mahindra & Mahindra Ltd | Mahindra Research Valley, Chennai | |||
1980–97 | Vidhan Bhavan | |||
1982 | Bharat Bhavan | Bhopal | ||
1986–92 | Jawahar Kala Kendra Jawahar Arts Centre | Jaipur | ||
1986 | Jeevan Bharati Life Insurance Corporation of India | Yaon sa 2018 World Monuments Watch na lista nin mga "50 Sityo Kultural Namimiligro sa mga Pagkaraot huli sa tawo asin natural na mga kawsa"[17] | ||
1987–92 | British Council | Delhi | ||
1989 | Jawaharlal Nehru Centre for Advanced Scientific Research | Bangalore | ||
2000 | St. Peter and St. Paul's Church, Parumala | Parumala, Thiruvalla | ||
2000–05 | McGovern Institute for Brain Research | MIT, Boston, US | ||
2004 | City centre | Salt Lake City, Kolkata | ||
2007–10 | Champalimaud Centre for The Unknown | Lisbon, Portugal | ||
Ismaili Centre | Toronto, Canada | |||
Jawaharlal Nehru Institute of Banking and Finance | Hyderabad |
Mga Gawad
- 1972: Padma Shri[18]
- 1984: Royal Gold Medal for architecture by the Royal Institute of British Architects.[19]
- 1994: Praemium Imperiale
- 1998: 7th Aga Khan Award for Architecture for Madhya Pradesh Legislative Assembly[20]
- 2005: Austrian Decoration for Science and Art[21]
- 2006: Padma Vibhushan given by Government of India[22]
- 2011: Gomant Vibhushan conferred by Government of Goa[22]
Publikasyon
- Charles Correa, The New Landscape, RIBA Enterprises, December 1985, (ISBN 978-0947877217)[11]
Buhay personal
Si Charles Correa an naagom si Monika (née Sequeira), sarong artista, kan 1961. Sinda nagsaro, nag'estar sa saro kan flat sa Sonmarg apartment sa Mumbai. Igwa sinda duwang aki.[5]
Hilnga man
- Geoffrey Bawa
- Muzharul Islam
- B.V. Doshi
- Raj Rewal
- Bashirul Haq
Toltolan
Mga dagdag na basahon
Mga panluwas na takod
An Wikimedia Commons igwa nin medya dapit sa Charles Correa. |