Wikipedya

An Wikipedya o Wikipedia, sarong ensiklopedya na igwang basehan na wiki asin may talingkas na nilalaog. An Wikipedya iyo an pinakadakula asin pinakapigbabasa na reference work sa kasaysayan,^[1][2] asin konsistent na nagin saro sa 10 pinakabantog na websityo.^[3] Inaapod ini na talingkas nin huli ta talingkas na magagamit ini asin mariribayan kan kun siisay man. Nakasurat an Wikipedya sa kadakol na tataramon asin pinamamahalaan kan Pundasyon na Wikimedya.

Pinunan an Wikipedya bilang sarong proyekto na nasa tataramon na Ingles kan Enero 15, 2001 asin nagsunod na lang an mga proyektong Wikipedya sa manlaen-laen na tataramon.