Karneng urig
An karneng urig iyo an karne kan urig (Sus domesticus). Iyo iyan an pinakapigkokonsumong karne sa bilog na kinaban,[1] na igwa nin ebidensya kan pag-ataman nin urig kaidto pang 5000 BCE.[2]
An karneng urig pigkakakan nin la'bas na pigluto o kun minsan pigpreserbar; an curing minalawig an shelf life kan produktong karneng urig.An mga hamon, bacon, asin pork longganisa iyo an mga halimbawa kan prineserbang karneng urig.
An karneng urig iyo an pinakabantog na karne sa kinaban sa solnopan, urog na sa Europa Sentral. Bantog man iyan na marhay sa Subangan na Asya asin Sur-subangan na Asya (Kadagaan na Habagatan-Subangan na Asya, Filipinas, Singapur, asin Subangan na Timor). Pigtatawan nin halangkaw na pagpapahalaga an karneng urig sa mga lutoon na Asyano, urog na sa Tsina (kabali an Hong Kong) asin sa Amihanan-Subangan na Indya,[3][4] huli sa saiyang taba asin tekstura.
Pigbabawal an karneng urig sa ibang relihiyon asin kultura, urog na sa Islam asin Hudaismo.
Produksyon sa lambang nasyon
An Tsina an pinakamakusog magprodyusir nin karneng urig kan 2020, sinusundan nin European Union asin Estados Unidos.
An pigsararo na produksyon kan Tsina, EU asin Estados Unidos binibilog na nin 76% kan produksyon sa bilog na kinaban susog sa FAS/USDA[5]
| Ranggo | Mga Nasyon | 2020 (Tonelada metriko) | % nin sa kinaban |
|---|---|---|---|
| 1 | Tsina | 36,340,000 | 37.58% |
| 2 | European Union | 24,150,000 | 24.97% |
| 3 | Estados Unidos | 12,843,000 | 13.28% |
| 4 | Brasil | 4,125,000 | 4.27% |
| 5 | Rusya | 3,611,000 | 3.73% |
| 6 | Filipinas | 2,467,000 | 2.55% |
| 7 | Kanada | 2,130,000 | 2.20% |
| 8 | Mehiko | 1,451,000 | 1.50% |
| 9 | Habagatan Korea | 1,403,000 | 1.45% |
| 10 | Hapon | 1,298,000 | 1.34% |
