Khertek Anchimaa-Toka
Si Khertek Amyrbitovna Anchimaa-Toka (Russian: Хертек Амырбитовна Анчимаа-Тока΄ Plantilya:Lang-tyv; 1 January 1912[1] – 4 Nobyembre 2008) sarong Tubano/Sobyetikong politiko na kan 1940–44 iyo an Pamayo kan Little Khural nin Republika Popular nin Tuba, asin enot na dai gikan sa pigmanang pwesto na babaeng pamayo nin estado.[2] Siya an agom ni Salchak Toka, na iyo an lider supremo kan republika poon 1932 abot 1973.
| Khertek Anchimaa-Toka Хертек Анчимаа-Тока | |
|---|---|
| Ladawan:Khertek Anchimaa-Toka.jpg | |
| Chairwoman of the Presidium of the Little Khural of the Tuvan People's Republic | |
| Termino 6 Abril 1940 – 11 Oktobre 1944 | |
| Suminunod ki | Oyun Polat |
| Sinundan ni | Position abolished |
| Personal na mga detalye | |
| Kamundagan | 1 Enero 1912 Bay-Tayginsky, Tannu Uriankhai, Republic of China |
| Kagadanan | 4 Nobyembre 2008 (edad 96) Kyzyl, Tuva, Rusya |
| Partido politikal | Tuvan People's Revolutionary Party |
| Alma mater | Communist University of the Toilers of the East |
Kaamayi nin buhay
Si Khertek Anchimaa namundag sa ngonyan inaapod na Distrito nin Bay-Tayginsky nin Tuba, harani sa presenteng erokan nin Kyzyl-Dag kan 1912. Mas amay pang pirang bulan an paglakma kan Tsina'ng Dinastiya Qing nagresulta sa pagkaputol kan nominal na pamomoon Tsino sa teritoryong Tubano asin ta natugdas an sarong independyenteng Tannu Uriankhai sa irarom kan Mongol asin Tubanong aristokrasya.[3] Si Anchimaa namundag ikatolong aki sa pamilya nin mga paraayam sa kadlagan. Kan panahon nin tigbururakan taon 1918 sarong epidemya nin puko' sa rona' nahagop an saiyang ama asin sarong tugang, mala ta an saiyang ina iyo na lang nawalat na mag'ataman saiya asin apat pa niyang mga tugang. Ngani magianan sa pagbuhay si anom-na-taon na Anchimaa pigpaampon sa mas maykayang pinsan sa pamilya.[4]
