Elan Sham Ocampo

Si Teresita Manaloto-Magnaye pinangaki sa Capas, Tarlac, alagad sa ngunyan nag-eerok sa Puerto Galera, Oriental Mindoro, kaiba an saiyang agom asin tolong aki. Sa Tarlac man nia ginibo an panahon kan saiyang pagkaaki, asin nagadal kan kurso na secretarial. Alagad an pagsurat, sabi nia, sarong arte na nagtatao sa saiyang mga ugat hale pa sa saiyang pagkapangaki. Sa katunayan, an enot na obra sarong drama para sa eskwelahan kan siya grade school pa sana. Sunod mga obrang para sa komiks na sinundan kan mga istoryang prosa, mga artikulo, tula, asin nobela na nalathala sa iba't ibang pambansang babasahon.

Nagkua kan ikatolong gantimpala an saiyang Si Turo bilang pinakamarhay na istorya kan taon. Nagkua kan karangalan an saiyang nobelang Sa Timbangan nin Katarungan sa patimpalak na piglansar kan magasing Liwayway. An saiyang kuwentong Pilat sa Pisngi nagin parte kan libro na Panitikan ng Lahi para sa sekondarya na eskwelahan. Sa kadakul na taon na eksperyensya sa pagsurat, pigbabalang siya na saro sa mga batikan na parasurat kan nasambit na magasin sa itaas. Sa ngunyan, bukod sa pagsurat asin pagiging ina kan harong, an pangangaral asin pagtutukdo kan Biblia an saiyang pinagkakaabalahan.