Purok

An purok, bisto man sa apod na sona, sarong pampolitikang subdibisyon kan sarong barangay.^[1] Ini an pinakasadit na yunit nin pampamahalaan sa Filipinas^[2] na pinamumunuan kan sarong pigpiling kagawad kan barangay.^[3] Anuman, dae ini pigtuturing na opisyal na kaiba sa lokal na yunit kan pamahalaan. An barangay iyo an opisyal na pinakasadit na yunit pampolitika.^[4]

Parati pigbubuo an purok nin duwampolo hasta limampolo na mga kagharungan, depende ini sa partikular na kinamumugtakan sa heograpiya asin kumpol kan mga harong. Pag pigmukna asin nata'wan ini nin sarong mandato sa paagi kan sarong ordinansa kan sarong barangay, banwaan o syudad. Pwedeng gumanap an purok nin mga gibuhong pampamahalaan sa irarom kan koordinasyon asin pangangasiwa kan saindang lokal na mga opisyal.^[2]