Siyensyang pangkompyuter

An siyensyang pangkompyuter (Ingles: computer science) iyo an pag-aadal nin mga algoritmikong proseso, makinang pangkomputasyon, asin an nasambit na komputasyon.^[1] Bilang sarong disiplina, an siyensyang pangkompyuter minasakop sa mahiwas na rango nin mga ulayon poon sa mga teyoretikal na pag-aadal nin mga algoritmo, komputasyon, asin impormasyon sa mga praktikal na isyu kan pag-implenta sa sistemang pangkomputasyonal sa hardware asin software.^[2][3]

An siyensyang pangkompyuter iyo dapit sa teyoretikal na pundasyon nin impormasyon, algoritmo, asin an arkitektura kan komputasyon kaini pati naman an praktikal na teknik para sa mga aplikasyon kaini.

An pundamental na minamawot sa siyensyang pangkompyuter iyo an pag-determina sa kun ano an pwede asin an dae na maawtomatika.^[4] An mga siyentistang pangkompyuter iyo harus nakapokus sa akademikong research. An Turing Award iyo heneral na pigbibisto bilang an pinakahalangkaw na distinksyon sa siyensyang pangkompyuter.