Анатоль Фёдаравіч Комар
Анатоль Фёдаравіч Комар (у эміграцыі Ромар; 1902, Мінск — ?) — беларускі палітык, навуковец, дзеяч беларускай эміграцыі. Беларускі калабарант з нацыстамі ў часы Другой сусветнай вайны.
Анатоль Фёдаравіч Комар | |
---|---|
Род дзейнасці | навуковец, палітык |
Дата нараджэння | 1902 |
Месца нараджэння | |
Дата смерці | XX стагоддзе |
Месца смерці | |
Грамадзянства | |
Месца працы | |
Член у |
Біяграфія
Да вайны працаваў дацэнтам Мінскага політэхнічнага інстытута. Пасля захопу Мінска немцамі, з ліпеня 1941 года працаваў у гарадской адміністрацыі. Пасля забойства Вацлава Іваноўскага, са снежня 1943 года — бурмістр Мінска[1]. Яго сакратарка выратавала Комару жыццё — знайшла падкладзеную партызанамі міну[2].
Удзельнік Другога Усебеларускага кангрэса (1944).
Незадоўга да прыходу Чырвонай Арміі эміграваў у Заходнюю Германію[3]. Супрацоўнічаў з рознымі антыкамуністычнымі рухамі — напрыклад, член Камітэта вызвалення народаў Расіі.
На эміграцыі змяніў прозвішча на Ромар[3].
Зноскі
Літаратура
- Язэп Найдзюк, Іван Касяк. Беларусь учора і сяння. Папулярны нарыс з гісторыі Беларусі / Укладанне Наталлі Дашкевіч. — Мінск: «Навука і тэхніка», 1993. — ISBN 5-343-01458-5.
- Зянон Пазняк. Гутаркі з Антонам Шукелойцем. — Варшава: «АРО», 2003. — 144 с. — 1 150 экз. — ISBN 9955-9337-8-Х.
- Соловьев, А.К. Белорусская Центральная Рада: создание, деятельность, крах / А.К. Соловьев. — Мн. : Навука і тэхніка, 1995. — 176 с.