Thompson M1
An Thompson M1 zo ur bistolenn-vindrailher stadunanat brudet evit bezañ implijet gant an arme amerikan hag ar gevredidi adalek kreiz an Eil Brezel-bed.
| Thompson M1 | |
|---|---|
 Ur bistolenn-vindrailher Thompson M1A1 implijet en Eil Brezel-bed | |
| Kinnig | |
| Bro |  Stadoù-Unanet |
| Mont en-dro | Pistolenn-vindrailherez aotomatek |
| Munision | .45 ACP |
| Produerien | Savage Arms Company, Auto Ordnance |
| Mare implij | Adalek 1942 |
| Pouez ha muzulioù | |
| Mas (hep kartouchenn) | 4,82 kg |
| Hirder | 813 mm |
| Hirder ar c'hanol | 266 mm |
| Perzhioù all | |
| Hed-tenn pleustrek | 50 m |
| Tizh mont e-maez ar boledoù | 280 m/s |
| Lusk-tennañ | 500 t/mn |
| Endalc'h | 20 pe 30 kartouchenn |
Istor
Er bloavezhioù 1920 e oa bet produet un nebeud miliadoù a bistolennoù-mindrailher Thompson M1921. Daoust d'o implij gant an IRA en Iwerzhon ha d'o skeudenn vrudet abalamour d'ar gangsters a rae gante, n'o doa ket graet berzh, ha 4.750 skouerenn diwar ar 15.000 produet ne oant ket bet gwerzhet e 1939.[1]
D'ar poent-se e tarzhas an Eil Brezel-bed en Europa. An M1921 e oa ar bistolenn-vindrailher aes da gavout nemeti evit pourveziañ buan armeoù Frañs hag ar Rouantelezh-Unanet. Simplaet e voe anezhi gant an embregerezh Savage a dennas da skouer ar bannoù-yenaat a oa war he c'hanol hag a lakaas ur c'harger eeun e plas ar c'harger ront.[2] Dibabet e voe an arm nevez gant an US Army adalek 1942 hag ouzhpenn 1,5 milion a skouerennoù anezhañ a voe produet etre 1942 ha 1945. Servijout a reas en arme amerikan betek Brezel Viêt Nam.[1]
Er sevenadur
- An Thompson M1 a gaver war arouez an Nerzhioù Commando eus Breizh-Veur abaoe 1942
- Lesanvet e voe an arm Tommy Gun e-pad an Eil Brezel-bed
