Wikipedia:Dŏng-nièng gĭng-dáng/7 nguŏk

7 nguŏk 1 hô̤:

• 1823 nièng Guatemala, El Salvador, Nicaragua, Honduras gâe̤ng Costa Rica cū-siàng Dṳ̆ng Mī-ciŭ Lièng-hăk-sēng (ī-hâiu gāi miàng Dṳ̆ng Mī-ciŭ Lièng-băng Gê̤ṳng-huò-guók), ciáng-sék téng Să̤-băng-ngà dŭk-lĭk.
• 1867 nièng: Gă-nā-dâi, Nova Scotia, New Brunswick cū-siàng Gă-nā-dâi Lièng-băng.
• 1917 nièng: Diŏng Hṳ̆ng dó̤i-chiū Puō-ngì hŭi-hŭk Muāng-chĭng(dù), dáng-sê nâ mì-tì 12 gĕ̤ng cêu sék-bâi lāu.
• 1991 nièng: Sŭ-lièng liāng-dô̤ gì Warszawa Dèu-iók Cū-cék ciáng-sék gāi-sáng.

7 nguŏk 2 hô̤:

• 626 nièng: Dòng-dièu gì Cìng-uòng Lī Sié-mìng huák-dông Hièng-ū-muòng cĭ Biéng, áng-sák tái-cṳ̄ Lī Gióng-sìng gâe̤ng Cà̤-uòng Lī Nguòng-gék.
• 1777 nièng: Vermont hié-dṳ̀ nù-lâ̤ cié-dô, ĭ iâ sê Mī-guók tàu ciáh hié-dṳ̀ ciā cié-dô gì ciŭ.
• 1950 nièng: Nĭk-buōng Gĭng-dŭ gì Kinkaku-ji ké̤ṳk siŏh ciáh diĕng-pă bóng huōi siĕu lâi(dù).
• 1976 nièng: Uŏk-nàng Mìng-ciō Gê̤ṳng-huò-guók (Báe̤k-uŏk) gâe̤ng Uŏk-nàng Nàng-huŏng Gê̤ṳng-huò-guók ciáng-sék tūng-ék siàng gĭng-dáng gì Uŏk-nàng Siâ-huôi-ciō-ngiê Gê̤ṳng-huò-guók.

7 nguŏk 3 hô̤:

• 987 nièng: Huák-làng-să̤ Gŭng-ciók Hugues Capet(dù) ké̤ṳk nè̤ng tŭi-gṳ̄ có̤ Frank nè̤ng gì guók-uòng, ciáng-sék gióng-lĭk Huák-guók gì Capet Uòng-dièu.
• 1608 nièng: Huák-guók mŏk-hiēng-gă Samuel de Champlain gióng-lĭk Quebec Chê.
• 1886 nièng: Dáik-guók gĕ̤ng-tiàng-sṳ̆ Carl Benz có̤ chók tàu gá Mercedes-Benz ké-chiă.
• 1914 nièng: Ĭng-guók gâe̤ng Să̤-câung gì dâi-biēu chiĕng-dêng Simla Dèu-iók, Dṳ̆ng-guók dâi-biēu ng-chiĕng.

7 nguŏk 4 hô̤: Mī-guók: dŭk-lĭk-nĭk

• 1776 nièng: Sĕk-săng Sĭk-mìng-dê tŭng-guó dŭk-lĭk sŏng-ngiòng(dù), téng Ĭng-guók dŭk-lĭk, sìng-lĭk Mī-guók.
• 1787 nièng: Huák-guók gâe̤ng Uŏk-nàng Guōng-nàng Uōng-ciō gì dâi-biēu Báik-dŏ̤-lô chiĕng-dêng Versailles Dèu-iók.
• 1802 nièng: Mī-guók Gŭng-sê̤ṳ Hŏk-iêng sìng-lĭk.
• 1946 nièng: Hĭ-lĭ-pĭng ciáng-sék téng Mī-guók dŭk-lĭk.

7 nguŏk 5 hô̤:

• 1687 nièng: Ĭng-guók kuŏ-hŏk-gă Isaac Newton huák-biēu Cê̤ṳ-iòng Diĕk-hŏk gì Só-hŏk Nguòng-lī, ciā cṳ̆ diē-sié tàu huòi tì chók Newton ông-dông dêng-lŭk gâe̤ng uâng-iū īng-lĭk dêng-lŭk.
• 1811 nièng: Venezuela téng Să̤-băng-ngà dŭk-lĭk.
• 1946 nièng: Huák-guók hók-cŏng siék-gié-sṳ̆ Jacques Heim gâe̤ng Louis Réard huák-buó lâng giông sĭng-sék gì iù-êng-ĭng, ciŏng ciā ĭ-siòng hô̤ lā̤ Bikini.
• 1996 nièng: Ĭng-guók Roslin Ngiēng-géu-sū ngiēng-géu chók sié-gái tàu ciáh hŭk-cié gì buô-ṳ̄ dông-ŭk Dolly Iòng(dù).

7 nguŏk 6 hô̤:

• 1253 nièng: Mindaugas dĕng-gĭ có̤ Lithuania guók-uòng, ĭ iâ sê ciā guók-gă tàu ciáh guók-uòng.
• 1785 nièng: Mī-gĭng(dù) ké̤ṳk ciáng-sék sōng có̤ Mī-guók gì huák-dêng huó-bê.
• 1854 nièng: Gê̤ṳng-huò-dōng găk Mī-guók Michigan gì Jackson sìng-lĭk.
• 1885 nièng: Huák-guók huá-hŏk-gă Louis Pasteur kĕk tàu piĕ diĕng-kēng-bâng ĭk-mièu lì dê-lièu siŏh ciáh ké̤ṳk kēng-giāng gâ siŏng gì niè-giāng-gŏ̤.

7 nguŏk 7 hô̤:

• 1807 nièng: Huák-guók huòng-dá̤ Napoléon Bonaparte gâe̤ng Ngò̤-lò̤-sṳ̆ huòng-dá̤ Aleksandr 1-sié chiĕng-dêng Tilsit Dèu-iók, Dâ̤ 4 ché̤ṳ huāng Huák-guók Dùng-mèng gāi-sáng.
• 1937 nièng: Nĭk-buōng huák-dông Lù-gău-giò Sê̤ṳ-biéng, Dṳ̆ng-guók Káung-nĭk Ciéng-cĕng kăi-sṳ̄.
• 1978 nièng: Solomon Gùng-dō̤ téng Ĭng-guók dŭk-lĭk.
• 1983 nièng: Sêu gáu Sŭ-lièng liāng-dô̤-ìng Yuri Andropov gì iĕu-chiāng, Mī-guók hŏk-sĕng Samantha Smith(dù) huōng-ông Sŭ-lièng.

7 nguŏk 8 hô̤:

• 1709 nièng: Pyotr 1-sié dái-liāng Ngò̤-lò̤-sṳ̆ buô-dôi găk Poltava páh iàng Karl 12-sié gì Sôi-diēng buô-dôi.
• 1853 nièng: Matthew C. Perry dái-liāng Mī-guók hāi-gŭng kŭi gáu Dĕ̤ng-gĭng-uăng, iĕu-giù gâe̤ng Nĭk-buōng tŭng-siŏng (Háik-sùng Lài-hòng, dù).
• 1889 nièng: Mī-guók bó̤-cāi The Wall Street Journal tàu huòi huák-hèng.
• 1994 nièng: Dièu-siēng Mìng-ciō-ciō-ngiê Ìng-mìng Gê̤ṳng-huò-guók liāng-dô̤-ìng Kim Il-sung guó-sié.

7 nguŏk 9 hô̤:

• 1762 nièng: Ngò̤-lò̤-sṳ̆ huòng-hâiu Yekaterina 2-sié(dù) hié lâi ĭ dòng-buŏ Pyotr 3-sié, cê-gă có̤ huòng-dá̤.
• 1926 nièng: Dṳ̆ng-guók Guók-mìng Gáik-mêng-gŭng găk Guōng-ciŭ huák-dông cĕng-dó̤i Báe̤k-iòng Céng-hū gì Báe̤k-huăk Ciéng-cĕng.
• 1938 nièng: Dṳ̆ng-guók Guók-mìng-dōng sìng-lĭk Săng-mìng-ciō-ngiê Chĭng-nièng-tuàng.
• 2011 nièng: Nàng Sudan téng Sudan dŭk-lĭk.

7 nguŏk 10 hô̤:

• 1796 nièng: Dáik-guók só-hŏk-gă Carl Friedrich Gauss(dù) huák-hiêng sū-iū cê̤ṳ-iòng-só dŭ sê có̤i dŏ̤ 3 ciáh săng-gáe̤k-hìng-só gì cūng-hăk.
• 1890 nièng: Wyoming ciáng-sék biéng-siàng Mī-guók gì siŏh ciáh ciŭ.
• 1913 nièng: Mī-guók California gì Death Valley Guók-gă Gŭng-huòng cháik diŏh 56.7°C gì ké-ŭng, gáu gĭng-dáng gó sê sié-gái siông có̤i gŏ̤ gì ké-ŭng.
• 1973 nièng: Bahamas téng Ĭng-guók dŭk-lĭk.

7 nguŏk 11 hô̤:

• 1405 nièng: Mìng-dièu huâng-guăng Dâng Huò tàu huòi lŏ̤h Să̤-iòng.
• 1804 nièng: Mī-guók sèng cài-céng buô-diōng Alexander Hamilton găk New Jersey gì Weehawken gâe̤ng hó-cūng-tūng Aaron Burr giók-dáu(dù), Hamilton sêu-siŏng, dâ̤ nê gĕ̤ng sĕng--kó̤.
• 1811 nièng: É-dâi-lé kuŏ-hŏk-gă Amedeo Avogadro tì-chók ké-tā̤ hŭng-cṳ̄ gā-siók, ciā gā-siók ī-hâiu dáik gáu ngiêng-céng, hô̤ lā̤ Avogadro dêng-lŭk.
• 1921 nièng: Nguôi Mùng-gū dṳ̆k kó̤ Dṳ̆ng-huà Mìng-guók gì buô-dôi, dâ̤ nê huòi téng Dṳ̆ng-guók dŭk-lĭk (1921 nièng Mùng-gū Gáik-mêng).

7 nguŏk 12 hô̤:

• 1789 nièng: Huák-guók gé-ciā Camille Desmoulins sŏng-diòng cài-céng cūng-găng Jacques Necker ké̤ṳk guók-uòng Louis 16-sié sṳ̀ lâi gì dâi-gé, īng-kī báh-sáng cêng-kó̤ bók-muāng.
• 1806 nièng: Sìng-séng Lò̤-mā Dá̤-guók â-dā̤ gì ciáh 16 guók-gă cū-siàng Rhine Lièng-băng, sêu Huák-guók huòng-dá̤ Napoléon Bonaparte gì bō̤-hô.
• 1943 nièng: Nazi Dáik-guók gâe̤ng Sŭ-lièng gì buô-dôi găk Prokhorovka sŏng-páh(dù), cuòi sê lĭk-sṳ̄ siông giĕ-mò̤ có̤i duâi gì tāng-káik ciéng.
• 1979 nièng: Gilbert Gùng-dō̤ téng Ĭng-guók dŭk-lĭk, gāi-miàng Kiribati.

7 nguŏk 13 hô̤:

• 1260 nièng: Lithuania Dâi-gŭng-guók găk Durbe tiék-dā̤ páh iàng Livonia Kiè-sê̤ṳ-tuàng gâe̤ng Teuton Kiè-sê̤ṳ-tuàng lièng-gŭng.
• 1402 nièng: Mìng-dièu gì Iĕng-uòng Ciŏ Lâ̤ páh diē Nàng-gĭng-siàng, dĕng-gĭ có̤ Īng-lŏk Huòng-dá̤.
• 1793 nièng: Huák-guók Gáik-mêng sì-gĭ Jacobin gì liāng-dô̤-ìng cĭ ék Jean-Paul Marat ké̤ṳk nè̤ng áng-sák(dù).
• 1904 nièng: Ngò̤-lò̤-sṳ̆ gì Siberia Tiék-lô tŭng-chiă.

7 nguŏk 14 hô̤:

• 1789 nièng: Huák-guók Bă-là̤ báh-sáng páh diē Bastille Găng-lò̤(dù), ciā dâi-gé â̤ dé̤ṳng sáung có̤ Huák-guók Gáik-mêng gì kăi-sṳ̄.
• 1958 nièng: Iraq gŭng-guăng Abd al-Karim Qasim huák-dông céng-biéng, tài sī guók-uòng Faisal 2-sié, gióng-lĭk gê̤ṳng-huò-guók.
• 1960 nièng: Ĭng-guók lìng-diōng-lôi-hŏk-gă Jane Goodall kó̤ Tanganyika gì Gombe Stream Guók-gă Gŭng-huòng (gĭng-dáng sṳ̆k Tanzania), dó̤i háik-sĭng-sĭng gì siâ-huôi gâe̤ng gă-dìng guăng-hiê có̤ ngiēng-géu.
• 2003 nièng: Mī-guók céng-hū sìng-nêng găk káuk-sĭk ô bé-mĭk gṳ̆ng-ê̤ṳng gĭ-diòng 51 Kṳ̆.

7 nguŏk 15 hô̤:

• 1799 nièng: Huák-guók buô-dôi găk Ăi-gĭk huák-hiêng Rosetta siŏh-bĭ(dù).
• 1870 nièng: Gă-nā-dâi téng Hudson's Bay Gŭng-sĭ hŭ-uái mā̤ diŏh Manitoba gâe̤ng Să̤-báe̤k Liāng-tū.
• 1957 nièng: Mā Ìng-chŭ huák-biēu Sĭng Ìng-kēu Lâung, tì-chók gié-hĕk sĕng-ṳ̆k.
• 1987 nièng: Dṳ̆ng-huà Mìng-guók ciáng-sék gā̤-dṳ̀ Dài-uăng-sēng Gái-ngièng-lêng.

7 nguŏk 16 hô̤:

• 1790 nièng: Mī-guók cūng-tūng George Washington chiĕng-sṳ̆k huák-lêng, dùng-é găk Potomac Ò̤ gì ò̤-gièng siék siū-dŭ Washington, D.C.(dù).
• 1918 nièng: Ngò̤-lò̤-sṳ̆ huòng-dá̤ Nikolai 2-sié gò̤-lòng chió ké̤ṳk Bolshevik tài sī.
• 1945 nièng: Mī-guók găk New Mexico gì să-mŏk sìng-gŭng ché cá nguòng-cṳ̄-dâng.
• 1979 nièng: Saddam Hussein cêu-êng Iraq cūng-tūng.

7 nguŏk 17 hô̤:

• 1453 nièng: Huák-guók găk Castillon páh iàng Ĭng-gáik-làng(dù), Báh-nièng Ciéng-cĕng giék-sók, Ĭng-gáik-làng dṳ̀-kó̤ Calais ī-nguôi gì Ĕu-ciŭ dâi-lṳ̆k liāng-tū ciòng-buô ké̤ṳk Huák-guók dŏk kó̤.
• 1821 nièng: Să̤-băng-ngà ciŏng Florida iè-gău ké̤ṳk Mī-guók.
• 1936 nièng: Să̤-băng-ngà liāng Morocco gì buô-dôi cô̤-huāng huāng-dó̤i Să̤-băng-ngà Dâ̤-nê Gê̤ṳng-huò-guók, Să̤-băng-ngà Nô̤i-céng báuk-huák.
• 1945 nièng: Mī-guók, Ĭng-guók, Sŭ-lièng gì liāng-dô̤-ìng Harry S. Truman, Winston Churchill, Joseph Stalin găk Potsdam kŭi-huôi, tō̤-lâung Nê Ciéng ī-hâiu diŏh ciŏng-iông chṳ̄-lī Dáik-guók.

7 nguŏk 18 hô̤:

• 1536 nièng: Ĭng-gáik-làng guók-uòng Henry 8-sié sŏng-buó cê-gă sê Séng-gŭng-huôi gì siū-nō̤, mò̤ sìng-nêng gáu-huòng gì guòng-lĭk.
• 1898 nièng: Huák-guók kuŏ-hŏk-gă Pierre Curie gâe̤ng Maria Curie lâu-gŭng-mā sŏng-buó huák-hiêng huá-hŏk nguòng-só Polonium.
• 1925 nièng: Dáik-guók céng-dê-gă Adolf Hitler siā gì Mein Kampf tàu huòi chók-bēng.
• 1995 nièng: Montserrat Dō̤ gì Soufrière Hills huōi-săng báuk-huák, ciā dō̤ 2/3 dê-kṳ̆ sêu gáu ī-hiōng, siū-hū Plymouth iâ biéng-siàng siŏh ciáh gūi-siàng(dù).

7 nguŏk 19 hô̤:

• 64 nièng: Lò̤-mā huák-sĕng duâi-huōi, ciā huōi siĕu 6 gĕ̤ng sì-găng, buáng ciáh siàng-chê ké̤ṳk huōi siĕu lâi.
• 711 nièng: Tariq ibn Ziyad dái-liāng Umayyad Khalifah Guók gì buô-dôi găk Guadalete páh iàng Visigoth Uòng-guók.
• 1870 nièng: Huák-guók huòng-dá̤ Napoléon 3-sié hióng Puō-lū-sê̤ṳ sŏng-ciéng, Puō-Huák Ciéng-cĕng báuk-huák(dù).
• 1980 nièng: Dâ̤ 22 gái Hâ-gié Olympic Ông-dông-huôi găk Sŭ-lièng Moskva gṳ̄-bâing. Ĭng-ôi Sŭ-lièng chĭng-liŏh Afghanistan, ô 64 ciáh guók-gă dĕk-lìng-é ng-chăng-gă cī huòi ông-dông-huôi.

7 nguŏk 20 hô̤:

• 1402 nièng: Timur dái-liāng Timur Dá̤-guók gì buô-dôi găk Ankara páh iàng Osman Dá̤-guók, niăh diŏh sultan Bayezid 1-sié.
• 1871 nièng: British Columbia gă diē Gă-nā-dâi.
• 1944 nièng: Nazi Dáik-guók gŭng-guăng Claus von Stauffenberg găk Dĕ̤ng Puō-lū-sê̤ṳ gié-hĕk kĕk cá-dâng áng-sák Adolf Hitler, có̤i-cṳ̆ng sék-bâi, Hitler nâ sêu kĭng-siŏng.
• 1969 nièng: Mī-guók tái-kŭng-sùng Apollo 11 găk nguŏk-giù gì Mare Tranquillitatis dĕng-lṳ̆k(dù), Neil Armstrong gâe̤ng Buzz Aldrin sê sié-gái siông tàu piĕ dĕng siông nguŏk-giù gì nè̤ng.

7 nguŏk 21 hô̤:

• Sèng 356 nièng: Gū-dâi Sié-gái chék ciáh Gì-guăng cĭ ék, Ī-hók-sū gì Artemis Sìng-dáing ké̤ṳk nè̤ng bóng-huōi siĕu lâi.
• 710 nièng: Dòng Hièng-cŭng gâe̤ng ĭ gŭ-gŭ Tái-bìng Gŭng-ciō huák-dông céng-biéng, tài sī Ùi Huòng-hâiu gâe̤ng Ăng-lŏk Gŭng-ciō.
• 1954 nièng: Gŏng-gé̤ṳ Geneva Huôi-ngiê gì tō̤-lâung, Uŏk-nàng ké̤ṳk hŭng-liĕk siàng Uŏk-nàng Mìng-ciō Gê̤ṳng-huò-guók (Báe̤k-uŏk) gâe̤ng Uŏk-nàng Gê̤ṳng-huò-guók (Nàng-uŏk) ciáh guók-gă.
• 2007 nièng: J. K. Rowling siā gì siēu-siók Harry Potter and the Deathly Hallows ciáng-sék kăi-sṳ̄ mâ gì tàu siŏh gĕ̤ng cêu mâ chók 1,500 uâng buōng(dù), ciā sṳ̆ sê lĭk-sṳ̄ siông mâ chók sók-dô có̤i ká̤ gì cṳ̆.

7 nguŏk 22 hô̤:

• 838 nièng: Khaydhar ibn Kawus al-Afshin dái-liāng Abbas Khalifah Guók buô-dôi găk Anzen duâi bâi Theophilos dái-liāng gì Dĕ̤ng Lò̤-mā Dá̤-guók buô-dôi.
• 1298 nièng: Ĭng-gáik-làng déng-ák iù William Wallace dái-liāng gì Sŭ-gáik-làng kī-ngiê-gŭng.
• 1802 nièng: Uōng Hók-ióng(dù) ciéng-liāng Hà Nội, tūng-ék Uŏk-nàng.
• 1969 nièng: Să̤-băng-ngà dŭk-cài-ciā Francisco Franco sŏng-buó Juan Carlos 1-sié uòng-ôi gié-sìng-ciā.

7 nguŏk 23 hô̤:

• 1829 nièng: Mī-guók nè̤ng William Austin Burt chṳ̄-dáik bà̤-cê-gĭ gì ciŏng-lé, ciā nó̤h ī-hâiu huák-diēng siàng páh-cê-gĭ.
• 1914 nièng: Ó̤-Hṳ̆ng Dá̤-guók ĭng-ôi tái-cṳ̄ Franz Ferdinand găk Serbia ké̤ṳk nè̤ng áng-sák, iĕu-giù Serbia diêu-că, Serbia ng-kīng, có̤i cṳ̆ng īng-kī Dâ̤-ék-ché̤ṳ Sié-gái Dâi-ciéng.
• 1921 nièng: Dṳ̆ng-guók Gê̤ṳng-sāng-dōng găk Siông-hāi Huák-guók cū-gái sìng-lĭk(dù).
• 1980 nièng: Uŏk-nàng tái-kŭng-ìng Phạm Tuân sô̤i Sŭ-lièng gì tái-kŭng-sùng Soyuz 37 siông-tiĕng, ĭ iâ sê Ā-ciŭ tàu ciáh tái-kŭng-ìng.

7 nguŏk 24 hô̤:

• 1567 nièng: Sŭ-gáik-làng nṳ̄-uòng Mary 1-sié niông-ôi kéṳk James 6-sié.
• 1847 nièng: Mormon Gáu-puái liāng-dô̤-ìng Brigham Young dái-liāng tàu piĕ Mormon Kăi-táuk-ciā găk Mī-guók să̤-buô gióng-lĭk Salt Lake City.
• 1911 nièng: Mī-guók mŏk-hiēng-gă Hiram Bingham 3-sié găk Peru Andes Săng-mĕk diē-sié huák-hiêng Inca Dá̤-guók gì mì-cī Machu Picchu(dù).
• 1959 nièng: Mī-guók cūng-tūng Richard Nixon gâe̤ng Sŭ-lièng liāng-dô̤-ìng Nikita Khrushchev găk Moskva gṳ̄-hèng cáu-sèng biêng-lâung.

7 nguŏk 25 hô̤:

• 306 nièng: Constantinus 1-sié dĕng-gĭ có̤ Lò̤-mā Dá̤-guók gì huòng-dá̤.
• 1139 nièng: Afonso 1-sié găk Ourique páh iàng Moor-nè̤ng ī-hâiu, sŏng-buó gióng-lĭk Buò-dò̤-ngà.
• 1603 nièng: Sŭ-gáik-làng guók-uòng James 6-sié giĕng lā̤ có̤ Ĭng-gáik-làng guók-uòng (chĭng-hô̤ James 1-sié, dù), lâng guók hăk siàng siŏh ciáh gê̤ṳng-ciō lièng-băng.
• 1909 nièng: Huák-guók hĭ-hèng-uòng Louis Blériot kŭi hĭ-gĭ téng Calais buŏi gáu Ĭng-guók gì Dover, ĭ sê tàu ciáh buŏi gáu Ĭng-gék-lé Hāi-hiĕk dó̤i-méng gì nè̤ng.

7 nguŏk 26 hô̤:

• 811 nièng: Krum dái-liāng Bulgaria Dâ̤-ék Dá̤-guók gì buô-dôi găk Pliska páh iàng Dĕ̤ng Lò̤-mā Dá̤-guók gì buô-dôi, tài sī ĭ gì huòng-dá̤ Nikephoros 1-sié.
• 1887 nièng: L. L. Zamenhof găk ĭ gì cṳ̆ Unua Libro diē-sié tàu huòi tŭi-guōng ĭ huák-mìng gì ìng-gĕ̤ng ngṳ̄-ngiòng Sié-gái-ngṳ̄.
• 1945 nièng: Mī-guók, Dṳ̆ng-guók, Ĭng-guók gì liāng-dô̤-ìng Harry S. Truman, Ciōng Gái-sĭk, Winston Churchill huák-buó Potsdam Sŏng-ngiòng(dù), iĕu-giù Nĭk-buōng mò̤ dèu-giông dàu-hòng.
• 1990 nièng: Mī-guók lĭk-huák géng-cī káng-mâ̤-kī pó̤-sióng gì nè̤ng.

7 nguŏk 27 hô̤:

• 1549 nièng: Ià-sŭ-huôi diòng-gáu-sê̤ṳ Francisco Javier(dù) gáu Nĭk-buōng diòng-gáu.
• 1694 nièng: Ĭng-gáik-làng Ngṳ̀ng-hòng sìng-lĭk.
• 1794 nièng: Huák-guók Guók-mìng Gŭng-huôi giók-dêng ciŏng Jacobin gì liāng-dô̤-ìng Maximilien de Robespierre niăh kī lì (Iĕk-nguŏk Céng-biéng).
• 1953 nièng: Dṳ̆ng-guók, Báe̤k Dièu-siēng gâe̤ng Lièng-hăk-guók buô-dôi găk P'anmunjŏm chiĕng-dêng dìng-ciéng hiĕk-dêng, Hàng-guók Ciéng-cĕng giék-sók.

7 nguŏk 28 hô̤:

• 1821 nièng: Peru téng Să̤-băng-ngà dŭk-lĭk.
• 1914 nièng: Ó̤-Hṳ̆ng Dá̤-guók hióng Serbia sŏng-ciéng, Dâ̤-ék-ché̤ṳ Sié-gái Dâi-ciéng báuk-huák.
• 1976 nièng: Dṳ̆ng-guók Ò̤-báe̤k Dòng-săng huák-sĕng dê-cīng(dù), sĕng--kó̤ gūi sĕk uâng nè̤ng.
• 1984 nièng: Dâ̤ 23 gái Hâ-gié Olympic Ông-dông-huôi găk Mī-guók Los Angeles gṳ̄-bâing. Dŭ-liāng ô 18 ciáh guók-gă dĕk-lìng-é ng-chăng-gă cī huòi ông-dông-huôi.

7 nguŏk 29 hô̤:

• 1921 nièng: Adolf Hitler dŏng-sōng Nazi Dōng liāng-dô̤-ìng.
• 1958 nièng: Mī-guók cūng-tūng Dwight D. Eisenhower ciáng-sék piĕ-cūng gióng-lĭk NASA(dù).
• 1985 nièng: Nĭk-buōng ngiēng-géu chók sié-gái siông tàu ciáh â̤ giàng-diô gì gĭ-ké-nè̤ng.
• 2015 nièng: Windows 10 ciáng-sék kăi-sṳ̄ mâ.

7 nguŏk 30 hô̤:

• 762 nièng: Abbas Khalifah Guók gióng-lĭk Baghdad có̤ siū-dŭ.
• 1907 nièng: Sŭ-lièng Gê̤ṳng-sāng-dōng(dù) sìng-lĭk.
• 1923 nièng: Dṳ̆ng-guók cê-gă siék-gié sĕng-sāng gì hĭ-gĭ ké̤ṳk sìng-gŭng ngiéng-cé chók lì.
• 1962 nièng: Algeria téng Huák-guók dŭk-lĭk.

7 nguŏk 31 hô̤:

• 781 nièng: Nĭk-buōng Fuji Săng(dù) gé-liŏh gáu huōi-săng báuk-huák, cuòi sê ciā săng tàu huòi ô ùng-cê gé-liŏh gì báuk-huák.
• 1856 nièng: Ĭng-guók ciáng-sék sìng-nêng New Zealand gì Christchurch sê siŏh ciáh siàng-chê.
• 1891 nièng: Mī-guók huák-mìng-gă Thomas Edison sĭng-chiāng gáu diêng-īng niék-chiông-gĭ gì ciŏng-lé.
• 1921 nièng: Dṳ̆ng-guók Gê̤ṳng-sāng-dōng dâ̤ 1 ché̤ṳ Ciòng-guók Dâi-biēu Dâi-huôi giék-sók, Dìng Dŭk-séu dŏng-sōng cṳ̆-gé.