جابانی کوردی

جابانی کوردی یان کابانی کوردی (بە عەرەبی: جابان الكردي‎) یەکێک لە یارانی محەممەد، پێغەمبەری ئیسلام بووە.^[١] جابان بە ڕەچەڵەک کورد بووە، لە جوانڕۆی ڕۆژهەڵاتی کوردستان لەدایکبووە و بە جابانی کوردی ناسراوە. ھەروەھا لەبەر ئەوەی کوڕەکەی ناوی مەیموون بووە، ناوەکەی بووە بە ئەبوو مەیموون، ناوی جابان لە پەرتووکە بەناوبانگەکانی ھاوەڵناسیدا وەک «اسد الغابە-شێری دارستان» و ئەلئیسابە ناوی ھاتووە.^[١] ئەبوونەعیمی ئەسفەھانی ناوی کوڕەکەی جابان بە مەیموونی کوردی تۆمار کردووە.^[٢]، لە نێوان ساڵانی ١٢١ی کۆچی/ ٧٣٨ی زایینی و ساڵی ١٣٠ی کۆچی/ ٧٤٧ی زایینی کۆچی دوایی کردووە.^[٣]