٧٣ەمین فێستیڤاڵی نێونەتەوەییی فیلمی بەرلین
٧٣ەمین فێستیڤاڵی نێونەتەوەییی فیلمی بەرلین (Berlinale) (بە ئینگلیزی: 73rd Berlin International Film Festival) لە ١٦ تا ٢٦ی شوباتی ٢٠٢٣ بەڕێوەچوو. فێستیڤاڵەکە خەڵاتێکی نوێی بۆ باشترین زنجیرە تەلەڤیزیۆنییەکانی ئەمساڵ زیاد کردووە. ناونووسینی فیلم بۆ فێستیڤاڵەکە لە مانگی ئەیلوولی ٢٠٢٢ دەستی پێکردووە و وادەی کۆتایی پێشکەشکردنی فیلم لە ٢٣ی تشرینی دووەمی ٢٠٢٢ دیاری کراوە.[١] لە ١٣ی تشرینی یەکەمی ٢٠٢٢، بە دروشمی «با پێکەوەبین»، بە واتای کارلێکی ڕاستەوخۆ لە سەرجەم بەرنامەکانی فێستیڤاڵەکەدا دوای دوو ساڵ لە بەرنامەکانی بە شێوەی ئۆنلاین بە ھۆی کۆڤید-١٩ بەڕێوەچوو.[٢] فێستیڤاڵەکە لە ٢٦ی شوبات داخرا و کۆی فرۆشی بلیتەکان گەیشتە ٣٢٠ ھەزار بلیت، ھەروەھا نزیکەی ٢٠ ھەزار پیشەیی باوەڕپێکراو لە ١٣٢ وڵاتەوە لەنێویاندا ٢٨٠٠ نوێنەری میدیا بەشدارییان لە فێستیڤاڵەکەدا کرد.[٣] پۆستەری فێستیڤاڵەکە لەلایەن کلۆدیا شرامکەوە دیزاین کراوە، کە پۆستەری ساڵی پێشووی فێستیڤاڵەکەی دروستکردبوو.[٤][٥]
