Nikola Tesla
Nikola Tesla (sırbca Никола Тесла, Nikola Tesla; 1856 oraq ayınıñ 10, Smılân, Avstriya-Macaristan - 1943 qara qış ayınıñ 7, Nyu York, AQŞ) - sırp ve amerikalı icatkâr ve fizikacısı.
| Nikola Tesla | |
|---|---|
| sırbca Никола Тесла[1] | |
 | |
| Doğma adı | sırbca Никола Тесла[1] |
| Doğğan künü | 1856 İyül 10[2][1][3][…] |
| Doğğan yeri | |
| Ölgen künü | 1943 yanvar 7[4][2][5][…] (86 yaşında) |
| Ölgen yeri | |
| Memleketi | |
| Zenaatı | keşfiyatçı, electrical engineer, mechanical engineer, fizikacı, futurist |
| Baba | Milutin Tesla[d][1] |
| Ana | Đuka Madic[d][1] |
| Mukâfatlar | |
| Avtograf |  |
 Медиафайлы на Викискладе | |
Sırp ailesinde doğıp keççe AQŞ vatandaşı olğan. Tesla, eñ çoq elektriklik, mıqnatislik ve elektrotehnikası saalarında öz icatlarınen belli. Ayrıca, oña deñişici aqım, çoq fazalı sisteması ve deñişici aqmınen elektrik köçüricisiniñ icatları ait. Niagara uçansuvındaki ilk gidroelektrostantsiyasınıñ qurucılığında esas şahsı edi. Sİ sistemasında mıqnatis induktsiyasınıñ ölçü birlemi, tetqiqatçınıñ şerefine adlandırılğan.
Tercimeiyal
Efsanege dair, Nikola Tesla, tamam afat yarı gecesinde dünyağa kelgen. Bu, bugünki Hırvatistan (o zaman Avstriya-Macaristan) Gospiç şeeri yanında Smilân köyünde oldı. Babası - Milutin Tesla pravoslav kilsesiniñ papazı edi. Anası - Cuka Tesla (Mandik) pravoslav papazınıñ qızı edi. Halq yırlarınıñ çoqusını bile edi, amma o vaqıtlarda sıq rastkelgeni kibi, oqumış olmağan edi. Aile, beş baladan ibaret edi - eki oğlan ve üç qız, Nikola, dörtünci balası edi.
1862 senesi aile, Gospiçke köçip kelgen, anda Tesla, gimnaziyada oquy edi. Soñ Tesla, Karlovatstaki mektebini bitirgen. Grats tehnikiy universitetinde elektrotehnikasını oquy edi, anda ise bakalavr derecesini almağa tırışa edi. Amma oquv yurtu, lektsiyalarğa qatnamağanı içün, oña bu derecesini tasdiqlamadı. 1880 - Pragadaki Karl universitetinde oquy edi.