Arthur Hiller
MiranduléśC'l artìcul chè 'l è scrit inMiranduléś |
Arthur Hiller (Edmonton, 22 ad Nuvémbar dal 1923 - Los Angeles, 17 'd Agóst dal 2016), 'l è stâ 'n regìsta canadéś candidâ a 'l Prèmi Òscar par la pelìcula Love Story, al sò film più cgnusû ad tut.
Da 'l 1993 a 'l 1997 'l è stâ 'l presidènt dl'Academy of Motion Picture Arts and Sciences.
Biugrafìa
Fiōl dna famìja 'd ebrèj emigrâ in Cànada da la Pulògna in dal 1912, Arthur al s laureâ a l'Università ad Turònt in dal 1947 ciapànd pò anc un master in psiculugìa tri an dòp.
Al taca la sò caréra da regìsta in di an Sinquànta girànd soquànt epiśòdi 'd telefìlm par la televiśiòṅ cuma Perry Mason, The Barbara Stanwyck Show, Alfred Hitchcock presenta e La famiglia Addams. In di an Ssanta al pasa a 'l schérum grand faghénd dal cumèdi ma anc di film dramàtic cuma Love Story, pelìcula da làgarmi dal 1970 in du na stòria 'd amōr la finìs mâł par via dla leucemìa ch'la lasa pôc da scampàr a la śōvna prutagunìsta, l'Ali MacGraw. Cl'òpra chè l'à vins al Prèmi Òscar dal 1971 par la culòna sunóra dòp avér ciapâ sèt candidadùri in tut. 'L an dòp al regìsta canadéś al lavóra a la cumèdia Anche i dottori ce l'hanno, film ch'in dal 1995 gl'americàṅ i aṅ decìś, par la sò impurtànsa, ad tgnìr dacàt in dla bibliutéca dal cungrès di Stat Unî.
In dal 1982 al gira Making Love, atra pelìcula cun na stòria 'd amōr ma 'sta vòlta cun di buśòṅ prutagunìsta, una dal primi a far-al. In dal 1989 l'è la vòlta ad Non guardarmi: non ti sento cun Gene Wilder. Dòp Hollywood brucia, firmâ c'n al pseudònim ad chi a n vōl minga firmàr-as, Alan Smithee, in dal 2006 al gira la sò ultma pelìcula, Pucked, cun prutagunìsta al cantànt di Bon Jovi, Jon Bon Jovi.
Filmugrafìa
- 1957 - The Careless Years
- 1963 - L'ultimo treno da Vienna (Miracle of the White Stallions)
- 1963 - Letti separati (The Whealer Dealers)
- 1964 - Tempo di guerra, tempo d'amore (The Americanization of Emily)
- 1965 - Spogliarello per una vedova (Promise Her Anything)
- 1966 - Penelope, la magnifica ladra (Penelope)
- 1967 - Tobruk (Tobruk)
- 1967 - The Tiger Makes Out
- 1969 - Papà... abbaia piano! (Popi)
- 1970 - Un provinciale a New York (The Out-of-Towers)
- 1970 - Love Story
- 1971 - Appartamento al Plaza (Plaza Suite)
- 1971 - Anche i dottori ce l'hanno (The Hospital)
- 1972 - L'uomo della Mancha (Man of La Mancha)
- 1974 - The Crazy World of Julius Vrooder
- 1975 - The Man in the Glass Booth
- 1976 - W.C. Fields and Me
- 1976 - Wagons-lits con omicidi (Silver Streak)
- 1979 - Una strana coppia di suoceri (The In-Laws)
- 1979 - Le ali della notte (Nightwing)
- 1982 - Making Love
- 1982 - Papà, sei una frana (Author! Author! )
- 1983 - Scherzi di cuore (Romantic Comedy)
- 1984 - Anime gemelle (The Lonely Guy)
- 1984 - Teachers
- 1987 - Una fortuna sfacciata (Outrageus Fortune)
- 1989 - Non guardarmi: non ti sento (See no Evil, Hear no Evil)
- 1990 - Filofax - Un'agenda che vale un tesoro (Taking Care of Business)
- 1991 - Di coppia in coppia (Married to It)
- 1992 - The Babe - La leggenda (The Babe)
- 1996 - A spasso col rapinatore (Carpool)
- 1997 - Hollywood brucia (An Alan Smithee Film: Burn Hollywood Burn) - firmâ Alan Smithee
- 2006 - Pucked
