Chi diavolo ho sposato?
MiranduléśC'l artìcul chè 'l è scrit inMiranduléś |
 Who the (Bleep) Did I Marry | ||
| Chi diavolo ho sposato? | ||
 | ||
| Mo chi diàv'l ò-j-a spuśâ? 2010/2015 | ||
|---|---|---|
| Gènar: Docufiction | ||
| Stagiòṅ: 6 | ||
| Epiśòdi: 85 | ||
| Regìa: Justin Wolfe • Valerie Haselton Drescher | ||
| Scritōr: Justin Wolfe • David Erickson | ||
| Atōr: Matt Gulbranson • Annie K. Fox • James Davenjay | ||
| Mùśica: Justin Crosby | ||
| Duràda: 22 minùt | ||
| Léngua: Ingléś | ||
| Nasiòṅ: Stat Unî | ||
Chi diavolo ho sposato? (Mo chi diàv'l ò-j-a spuśâ?) l'è na docufiction americàna dal canàł Investigation Discovery ch'la dascór di cumpurtamènt viulènt in famìja fra marè e mujér ch'i n vaṅ più 'd acòrd: sigàdi, bòti, traplàdi, masamènt, scurtlàdi. Quànd ta t spóś ta n sà mai dabòṅ chi 't sē drē a purtàr-'t in cà. La traśmisiòṅ la t fà cumpréndar che dal vòlti armàgnar put l'è la deciśiòṅ giùsta da tōr s'ta n vō minga ch'un qualchidòṅ, ch't à tòlt in fiṅ ch'at scamp, al decìd invéci 'd ruinàr-at la vita.
Al mónd 'l è pîṅ 'd óm ch'i n gh pénsan gnanc un minùt a tiràr di marùc quànd i èṅ arliâ, ad dóni ch'i gh'aṅ in mènt sōl i bèsi da śgranfgnàr via da 'l matrimòni, gint purcùsa ch'la n gh in ciàva gnint d'l amōr ma sōl 'd ciavàr cun gl'amànt, spóśi istèrichi ch'ta n li giùst gnanc s'ta t mét a piànśar, marè ch'i s cumpòrtan cuma di padròṅ in cà sōl parchè i pòrt'n al braghi e i vōlan che cal dóni i stàgan schisi.
Dal prugràma, ch'al ricustruìs di fat sucès dabòṅ, i èṅ stadi giràdi siē stagiòṅ p'r utànta-sinc puntàdi in tut.
In Itàglia la série l'è traśmìsa p'r i canài dal grup Discovery Italia cuma Real Time e Nove.
In dal prugràma i prutagunìsta dal stòri i cònt'n in studi qvél ch'a gh'è sucès, jutâ anc par di filmâ cun di atōr ch'i próan a far luś su 'l vicéndi. A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r i cumpurtamènt criminài 'd òṅ di dū spóś.
