NGC 2070 (alia indiko — ESO 57-EN6; nomata ankaŭ Tarantula Nebulozo aŭ 30 Doradus) estas emisia nebulozo en konstelacio Orfiŝo.
Ĉi tiu objekto estis jam en la originala versio de NGC-katalogo.
Kun vida magnitudo de 8 la nebulozo estas eksterordinare hela objekto, se konsideri ĝian distancon de 170.000 lumjaroj. Ĝia lumeco estas tia, ke se ĝi troviĝus samdistance de Tero kiel la Oriona Nebulozo, ĝi ĵetus videblajn ombrojn. Ĝi estas la plej aktiva konata regiono produktanta novajn stelojn en la galaksioj de la Loka Grupo. En ĝia centro troviĝas la eksterordinare kompakta stelamaso R136a, kiu produktas la pliparton de la radia energio de la nebulozo. Alia notinda stelamaso, Hodge 301, situas ĉirkaŭ 150 lumjarojn de la centro de la nebulozo.
