Bischofszell (distrikto)
Distrikto Bischofszell estis ĝis la 31-a de decembro 20100 administra unuo de Kantono Turgovio. Ĝi havis areon de 95,7 km² kaj nombris 31080 loĝantojn la 31-an de decembro 2007. La ĉefloko de la distrikto estis la historia urbo Bischofszell.
 | |
 | |
| distrikto de Svisio | |
 | |
| Kantono | Turgovio |
| Ĉefloko | Bischofszell |
| Geografia situo | 735216 / 262573 (mapo)47.59.233333333333347° 30′ N, 9° 14′ O; CH1903: 735216 / 262573 (mapo) |
| |
| Nombro de loĝantoj | 31080 (2007-12-31) |
| Areo | 95,7 km² |
| Loĝantardenseco | 324,76 loĝantoj/km² |
| Federacia Kodo | 2002 |
Geografio
La iama distrikto Bischofszell troviĝas en monteta regiono de la Svisa Mezlando. Ĝian kamparon formis la riveroj Turo kaj Sitter, kiuj en Bischoffszell kunfluas. La plej granda urbo kaj ekonomia centro de la distrikto cetere ne estas ĝia ĉefurbeto Bischofszell sed la urbo Amriswil en la nordoriento de la distrikto.
Trafiko
Tra la iama distrikto Bischofszell pasas la fervojlinioj de Gossau al Weinfelden (la iama Bischofszell-Fervojo) kaj ankaŭ la linio de Svisaj Federaciaj Fervojoj de Vinterturo tra Weinfelden al Romanshorn. La haltejoj en la distrikto Bischofszell estas servataj de la regionaj trajnoj de la fervojkompanio THURBO AG. Krome diversaj poŝtaŭtolinioj servas la vilaĝojn, kiuj ne disponas pri fervoja konekto. La distrikto tamen situas flanke de la naciaj aŭtoŝoseoj.
Ekonomio
La regiono estas ĉefe kampara kaj vivas de agrikulturo kaj modesta regiona turismo. En Amriswil, Sulgen kaj Bischofszell ekzistas ankaŭ diversaj malgrandaj kaj mezgrandaj entreprenoj. La plej signifa firmao estas la konservofabriko Bischofszell.
Historio
La regiono de Bischofszell troviĝis en mezepoko sub la influo de la episkopo de Konstanco, kiu ankaŭ daŭris dum la plurcentjara okupado fare de la Svisa Ĵurkomunumo ĝis la Helveta Revolucio en la jaro 1798. Kun la fondo de la nova Kantono Turgovio en la jaro 1803 estis kreiita la distrikto Bischofszell. Surbaze de la nova leĝo pri la komunumoj de Kantono Turgovio, la distrikto estis malfondita la 31-an de decembro 2010 kaj ĝiaj komunumoj integritaj al aliaj distriktoj.
Komunumoj de la iama distrikto Bischofszell
Al la distrikto Bischofszell apartenis je la fino de 2010 je ĝis malfondo la sekvantaj ok komunumoj:
| Blazono | Nomo | Loĝantoj (Dec 2007) | Areo in km² | Komunuma n-ro |
|---|---|---|---|---|
 | Amriswil | 11'517 | 19,1 | 4461 |
 | Bischofszell | 5466 | 11,7 | 4471 |
 | Erlen | 3078 | 12,2 | 4476 |
 | Hauptwil-Gottshaus | 1802 | 12,5 | 4486 |
 | Hohentannen | 607 | 8,0 | 4495 |
 | Kradolf-Schönenberg | 3215 | 10,9 | 4501 |
 | Sulgen | 3366 | 9,1 | 4506 |
 | Zihlschlacht-Sitterdorf | 2029 | 12,2 | 4511 |
| Totale | 8 | 31'080 | 95,7 | 2002 |