Illinois (rivier yn Illinois)

De rivier de Illinois is in grutte sydrivier fan de Mississippy, yn de Amerikaanske steat Illinois.^[1] De rivier is sa'n 440 km lang en soarget foar de ôfwettering fan in grut part fan Sintraal-Illinois, it streamgebiet beslacht 72.701 km². De rivier wie in wichtige ferbining foar de Lânseigen Amerikanen en iere Frânske hannelers tusken de Grutte Marren en de Mississippy. De Frânske koloanjale delsettings oan de rivier wienen it hert fan it gebiet dat Illinois Country neamd waard. Nei de oanlis fan it Illinois en Michigankanaal en it Hennepinkanaal Canal yn de 19e iuw, bleau de rivier in wichtige ferbining foar de moderne skipfeart tusken de Michiganmar en de Mississippy.