Coirloscadh

Is éard is coirloscadh ann ná maoin a chur trí thine d'aon turas. Cé go mbaineann sé le foirgnimh go hiondúil, is féidir an téarma a úsáid freisin nuair a chuirtear rudaí eile trí thine, mar shampla mótarfheithiclí, báid, nó fiú foraoisí. De ghnáth, rangaítear an coirloscadh mar fheileonacht, agus gearrtar pionós níos déine nuair a chuirtear daoine i gcontúirt. Má tharlaíonn bás mar thoradh ar an gcoirloscadh, is féidir an ciontóir a chúiseamh i ndúnmharú nó i ndúnorgain. Is minic gur calaois árachais is údar le eachtraí coirloiscthe.^[1][2] Sna cásanna seo, cuireann duine a mhaoin féin trí thine, ansin insíonn sé nó sí bréag faoi chúis na tine chun airgead a bhailiú ó pholasaí árachais.^[3]

Tugtar coirloisceoir ar dhuine a dhéanann coirloscadh. De ghnáth, úsáidtear luathaitheoir (mar shampla peitreal nó ceirisín) chun tinte a adhaint, a thiomáint, agus a stiúradh, agus is cuid thábhachtach d'imscrúduithe dóiteáin é iarmhair ó shubstaintí den sórt seo a bhrath agus a aithint.^[4]