Comhardú na trádála
Is éard atá i gceist le comhardú na trádála, nó comhardú trádála,[1] ná an difríocht idir luach iomportálacha marsantachta agus easpórtálacha marsantachta[2]
.png)
- nó an difríocht idir easpórtáil sofheicthe agus iompórtáil sofheicthe[3][4]
- nó an difríocht idir an méid earraí a iompórtálann agus a easpórtálann tír[5]
- nó an comhardú a dtagtar air tar éis allmhairí a bhaint d’onnmhairí.[6]
Tá barrachas ann má tá níos mó airgid/ioncaim saothraithe ag tír trí thrádáil le tíortha eile, ná mar atá le n-íoc leo (nó Easpórtáil sofheicthe > Iompórtáil sofheicthe).
Tá easnamh ann má tá níos mó airgid caite ag tír le tíortha eile, ná mar ata saothraithe aici uathu (nó Iompórtáil sofheicthe < Easpórtáil sofheicthe).[3]
Buailfidh géarchéim tír, b'fhéidir, mar thoradh ar éagothromaíocht fhoriomlán ina chomhardú trádála. Agus ceapann daoine go leor go bhfuil sé tábhachtach go bhfuil comhardú cothrom ann. Ach tá an scéal i bhfad níos casta.
Comhardú na trádála in Éirinn
Ba sa bhliain 2016 a taifeadadh an leibhéal ab airde riamh in Éirinn d’onnmhairí agus d’allmhairí araon. D’athraigh comhardú na Trádála Earraí ó easnamh €326 mhilliún sa bhliain 1975 go barrachas €45,521 mhilliún sa bhliain 2016.[6]