Cádiz (provincia)
Cádiz
| |||||
.svg) | |||||
| Suidheachadh | |||||
| Dùthaich | An Spàinn | ||||
| Prìomh-bhaile | Cádiz | ||||
| Stèidhichte | 1833 | ||||
| Feartan fiosaigeach | |||||
| Farsaingeachd | 7,436 km² | ||||
| Àireamh-shluaigh | 1,243,519 (2014) | ||||
| Dlùths | 167.23/km² | ||||
| Àireamh fòn | + (956) | ||||
| Duilleag oifigeil | Riaghaltas na Roinne | ||||
'S e provincia na Spàinne a tha ann an Cádiz (IPA: kaðiθ neo kaðis). Tha e na laighe ann an Andalusia, ann an ceann a deas na dùthcha. 'S e Cádiz a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.[1] B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Andalusia i ann an 1978, nuair a sgrìobhadh Bun-reachd ùr.[2] Sìnidh Cádiz fad 7,436km²[3] agus tha 1,243,519 duine a' fuireach ann.[4] Le sin, 's e an 34mh roinn as motha na Spàinne a thaobh talmhainn agus an ochdamh a thaobh àireimh-sluaigh. Tha crìochain aice le Huelva, Málaga agus Sevilla.[5] A bharrachd air sin, tha Giobraltair, a' Chaolas Ghiobraltair agus Afraga gu deas. 'S e Spàinntis a tha ga bruidhinn an seo.
Freumhan an ainm
Tha luchd-rannsachaidh uile dhen bheachd gur ann gdr ann am Foinìsis a tha an t-ainm, agus gu bheil sin a’ ciallachadh dùn no caisteal.[6] Mar sin, tha an t-ainm Cádiz coltach ri Agadir, thall ann am Maroco. Bhathar a’ cleachdadh trì ainmean eadar-dhealaichte ann an Greugais: ἡ Γαδείρα (Gadeíra), Γήδειρα (Gẽdeira) agus τὰ Γάδειρα (Gádeira). Chaidh sin atharrachadh gu ann an Arabais a thug Cádiz dhuinn an an Spàinntis an latha an-diugh. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.