American Idol
American Idol (American Idol: The Search for a Superstar na primeira tempada) é un programa de televisión estadounidense, que consiste nun concurso de talentos na procura do mellor cantante. Creouno Simon Fuller baseado no Pop Idol británico e comezou a emitirse o 11 de xuño de 2002, converténdose nun dos programas máis populares da televisión norteamericana.
Mediante audicións por todo o país o programa procura descubrir o mellor cantante, os xuíces encárganse de realizar as críticas e avaliar a actuación dos participantes, Randy Jackson e Simon Cowell fórono en todas as tempadas e Paula Abdul das tempadas unha a oito e Kara DioGuardi na oito. O público por medio do voto telefónico decide nas últimas fases. O presentador é Ryan Seacrest, o humorista Brian Dunkleman foi copresentador na primeira tempada. A banda de American Idol diríxea Rickey Minor.
Nos Estados Unidos o programa emíteo a Fox os xoves e os venres pola noite, no Canadá tamén a emite en directo a CTV. Noutros países como Australia, Reino Unido ou Israel emítese con algún atraso.
Gañador
- Series 1 (2002): Kelly Clarkson
- Series 2 (2003): Ruben Studdard
- Series 3 (2004): Fantasia Barrino
- Series 4 (2005): Carrie Underwood
- Series 5 (2006): Taylor Hicks
- Series 6 (2007): Jordin Sparks
- Series 7 (2008): David Cook
- Series 8 (2009): Kris Allen