Armada (mariña)
A armada[1] é o conxunto de forzas navais dun país. Ten como función a defensa nacional por mar, ríos ou lagos, para o que conta cunha serie de barcos de guerra, como portaavións, cruceiros, destrutores, fragatas e outras embarcacións. Polo xeral, tamén contan cunha aviación naval e unha infantaría de mariña. Emprégase o termo mariña de guerra[2][3] para se referir ao conxunto de navíos dunha armada.
Tipos de Armadas
- Mariña oceánica: é aquela capaz de actuar lonxe das súas augas, en calquera localización e en calquera momento. Contan con portaavións, buques de asalto e submarinos nucleares. Nesta categoría inclúense as mariñas de guerra dos Estados Unidos, Reino Unido, Francia e Rusia.
- Mariña de alta mar: diferénciase da anterior en que, aínda sendo capaz de actuar lonxe das súas augas territoriais, non pode manter as operacións durante un tempo prolongado, debido á inexistencia de bases navais no estranxeiro e a unha frota de apoio insuficiente. Son armadas deste tipo as de España, Italia, o Xapón, a India e o Brasil. Tamén se poden incluír as mariñas da China, Australia, Corea do Sur ou os Países Baixos.[Cómpre referencia]
- Mariña costeira: é aquela que só pode operar nas súas augas territoriais, próximas á costa, ou en augas fluviais. Carecen de portaavións e buques de asalto e ás veces, de grandes barcos de escolta (destrutores ou fragatas). A maior parte das mariñas de guerra do mundo, agás as xa referidas, son deste tipo.[Cómpre referencia]
Notas
🔥 Top keywords: