BlacKkKlansman

BlacKkKlansman é un filme estadounidense de 2018 dirixido por Spike Lee e escrito por Charlie Wachtel, David Rabinowitz, Kevin Willmott e Lee. Baséase nas memorias de 2014 Black Klansman, de Ron Stallworth. Está protagonizado por John David Washington no papel de Stallworth, xunto con Adam Driver, Laura Harrier e Topher Grace. Ambientado en Colorado Springs na década de 1970, o argumento conta como o primeiro detective afroamericano no departamento de policía da cidade consegue infiltrarse e destapar a póla local do Ku Klux Klan.

BlacKkKlansman
Ficha técnica
Título orixinal	BlacKkKlansman
Director	Spike Lee
Produtor	Jason Blum Spike Lee Raymond Mansfield Sean McKittrick Jordan Peele Shaun Redick
Guión	Charlie Wachtel David Rabinowitz Kevin Willmott Spike Lee
Baseado en	Black Klansman de Ron Stallworth
Intérpretes	John David Washington Adam Driver Laura Harrier Topher Grace
Música	Terence Blanchard
Fotografía	Chayse Irvin
Montaxe	Barry Alexander Brown
Estudio	Blumhouse Productions Monkeypaw Productions QC Entertainment 40 Acres and a Mule Filmworks Legendary Entertainment Perfect World Pictures
Distribuidora	Focus Features
Estrea	Festival de Cannes: 14 de maio de 2018 10 de agosto de 2018
Duración	135 minutos[1]
Orixe	Estados Unidos
Xénero	Comedia
Orzamento	15 millóns de dólares[2]
Recadación	93,3 millóns de dólares[2]
Na rede
http://www.blackkklansman.com/

Lee produciu o filme xunto con Raymond Mansfield, Shaun Redick, Sean McKittrick, Jason Blum e Jordan Peele. Redick mercou os dereitos cinematográficos do libro no ano 2015; Lee asinou como director en setembro de 2017. A maioría do elenco uniuse o mes seguinte, e a rodaxe comezou no estado de Nova York.

BlacKkKlansman estreouse o 14 de maio de 2018 no Festival Internacional de Cinema de Cannes, onde gañou o Grand Prix. Estreouse nos Estados Unidos o 10 de agosto de 2018, coincidindo co primeiro aniversario da manifestación Unite the Right. O filme recibiu aclamación por parte da crítica, quen loou as actuacións (particularmente a de Washington e Driver) e os temas intemporais. Recibiu seis nomeamentos na 91ª edición dos Óscar, incluíndo ó mellor filme, mellor director (primeiro nomeamento de Lee) e mellor actor secundario para Driver, e gañou o Óscar ó mellor guión adaptado, sendo o primeiro galardón de Lee.