Corpse Party

Corpse Party (コープスパーティー, Kōpusu Pātī^?) é unha serie de videoxogos de supervivencia e terror creados por Makoto Kedōin^[1][2] e desenvolvidos por Team GrisGris.^[3] O primeiro xogo da serie foi desenvolvido usando o software RPG Maker e foi estreado en 1996 para o PC-9801. Tivo dúas continuacións: Corpse Party: Blood Covered, que foi lanzado para Microsoft Windows o 8 de marzo de 2008; e Corpse Party: Blood Covered ...Repeated Fear, que foi lanzado para PlayStation Portable o 12 de agosto de 2010, e iOS o 9 de febreiro de 2012. O xogo foi lanzado en Norte América e Europa por Xseed Games baixo o título Corpse Party.^[4]

O xogo de PSP tivo a súa secuela, Corpse Party: Book of Shadows, que foi estreada para PSP o 1 de setembro de 2011 no Xapón, e o 15 de xaneiro de 2013 en Norte América.^[5] Un xogo spin-off, Corpse Party the Anthology: Sachiko no Ren’ai Yūki Hysteric Birthday 2U (コープスパーティー -THE ANTHOLOGY- サチコの恋愛遊戯♥Hysteric Birthday 2U^?, literalmente "Corpse Party the Anthology: Sachiko's Game of Love Hysteric Birthday 2U"), foi lanzado para PSP no Xapón o 2 de agosto de 2012.^[6]